खानेपानी मन्त्रालयमा सिनियर सह सचिवलाई बाइपास गर्दै जुनियर कर्मचारीलाई महत्वपूर्ण जिम्मेवारी दिएको भन्दै कर्मचारीमा असन्तृष्टी छाएको छ । खानेपानी मन्त्री उमाकान्त चौधरीले मन्त्रीस्तरीय निर्णय गर्दै गत बुधबार खानेपानी तथा ढल व्यवस्थापन विभागका उप महानिर्देशक सूर्यराज कँडेल महानिर्देशकमा नियुक्त गरेका हुन । त्यहाँका महानिर्देशक तिरेश प्रसाद खत्रीलाई खानेपानी मन्त्रालयमा तानेर कँडेललाई महानिर्देशकमा नियुक्त गरिए पछि खानेपानीका उच्च पदस्थ कर्मचारीहरु चिढिएका छन् । खानेपानी मन्त्री चौधरी मामुली कर्मचारी सरुवा बढुवामै रमाउन थालेका छन् । गत बुधबार उनले मन्त्रिस्तरीय निर्णय गर्दै खानेपानीका कर्मचारीको व्यापक हेरफेर गरेका छन् । औषध कर्मचारीभन्दा इमान्दार कर्मचारीका रुपमा चिनिएका तिरेश खत्रीलाई मन्त्रालयमा तानेर खानेपानी व्यवस्था तथा ढल निकास विभागमा जुनियर र विगतमा अनेकन विवादमा मुछिएका कर्मचारीलाई खटाए पछि कर्मचारीले यस्लाई ‘दालमे कुछ काला हें’ का रुपमा अर्थाएका छन् ।

Advertisement 1

खानेपानीबाटै अवकाश पाएका एक जना सहसचिवले इकर्मचारीसँग भने यस अघि महेन्द्र यादव,प्रेम बहादुर सिंह,विना मगर,मणिचन्द्र थापाहरुले समेत कर्मचारी खटन पटन गर्दा सिनयरलाई जिम्मेवारी दिदै आएका थिए । अहिलेका मन्त्री चौधरीले भने सिनियर कर्मचारीलाई वाइपास गर्दै जुनियर कर्मचारीलाई महत्वपूर्ण जिम्मेवारी दिएका हुन ।

राम्रो पर्फेमेन्स देखाइरहेका तिरेशलाई मन्त्रालयमा तानेर विगतमा मेलम्चीमा हुँदा बदनामीमा मुछिएका कर्मचारीलाई खानेपानी विभागको हाकिम बनाइएपछि कर्मचारी रुष्ट भएका हुन । कँडेल अबको पाँच महिना साउन १० गते उमेर हद लागेर घर जाँदैछन् । उनी यस अघि मेलम्चीको ठेक्का प्रकरणमा विवादमा मुछिएका कर्मचारी हुन । त्यतिखेर गजेन्द्र ठाकुर सचिव थिए र कँडेल मेलम्ची परियोजनाको इडीका रुपमा कार्यरत थिए । इटालियन ठेक्का विवादमा मुछिए पछि उनलाई त्यतिखेर मन्त्रालयमा तानिएको थियो ।

Advertisement 2

खानेपानीमा कँडेलभन्दा सिनियर तहका कर्मचारीहरु तिरेश खत्री,रमाकान्त दुवाडी र मीना श्रेष्ठ लगायतका कार्यरत छन् । तिरेश र रमाकान्त एकै व्याचका सहसचिवहरु हुन । उनीहरु ०७२  सालमै सहसचिवमा बढुवा भएका हुन भने मीना ०७१ सालमा सहसचिवमा बढुवा भएकी हुन ।यस अघि नै खानेपानी तथा ढल व्यवस्थापनको डिजी नियुक्त भएकी उनी त्यहाँको पहिलो महिला डिजीका रुपमा समेत रेकर्ड ब्रेक गरेकी कर्मचारी हुन ।

मन्त्री चौधरीलाई निर्णय क्षमतामा कमजोर असक्षम मन्त्रीका रुपमा खानेपानीका कतिपय अधिकारीले हेर्न थालेका छन् । मन्त्रालयको पूँजीगत खर्च २० प्रतिशत भन्दा कम हुनु,कतिपय जिल्लाका संघीय खानेपानी तथा ढल व्यवस्थापन केन्द्रमा कर्मचारी खटाउनु नसक्नुले मन्त्रीको निर्णय क्षमतामाथि नै कर्मचारीहरुले प्रश्न उठाउन थालेका हुन ।

मन्त्री चौधरीले मन्त्रिस्तरीय निर्णय गर्दै खानेपानी विभागको उपमहानिर्देशकमा कमलराज श्रेष्ठलाई नियुक्त गरेका छन् । यस्तै आयोजना कार्यान्वयन निर्देशनालयको आयोजना निर्देशक जोशीलाई खानेपानी विभागमा तानिएको छ भने आयोजना कार्यान्वयन निर्देशनालयमा भने राजेन्द्र सापकोटालाई लगिएको छ । उनी मेलम्ची खानेपानी विकास समितिमा उपनिर्देशकका रुपमा कार्यरत थिए । यस्तै मोहनलाल जैसीलाई संघीय खानेपानी तथा ढल व्यवस्थापन आयोजना कार्यालय हेटौडाको आयोजना प्रमुखमा रुपमा र खानेपानी मन्त्रालयका सिनियर डिभिज्नल इन्जिनियर योगेन्द्र चित्रकारको पनि केन्द्रीय खानेपानी आयोजनामै सरुवा गरिएको छ ।
हालै सहसचिवमा बढुवा हुनुभएका उज्जवल प्रजापति र कविन्द्र विक्रम कार्कीलाई भने मेलम्ची खानेपानी आयोजनाको उपनिर्देशकमा पदस्थापन गरिएको छ ।