संघीय मामिला तथा सामान्य प्रशासन मन्त्रालयले चार सहसचिवको सरुवा गरेको छ । मन्त्रालयले निजामती किताबखाना, स्थानीय विकास प्रशिक्षण प्रतिष्ठान,निजामती किताबखाना लगायतका निकायमा नयाँ सहसचिवलाई खटाएको हो ।
केही अघि किताबखानाका महानिर्देशक नेत्र सुवेदीलाई बाग्मती प्रदेशमा पठाएपछि रिक्त रहेको सो ठाउँमा मन्त्रालयले बाबुराजा श्रेष्ठलाई नियुक्ति गरेको छ । यस अघि श्रेष्ठ किताबखानाकै उपमहानिर्देशकका रुपमा कार्यरत थिए ।
यस्तै केही साता अघि लुम्बिनी प्रदेश मुख्यमन्त्री तथा मन्त्रिपरिषद्को कार्यालयमा तानेर संघीय मामिला तथा सामान्य प्रशासनको अत्तिरिक्त समूहमा राखिएका कुमार दाहाललाई स्थानीय विकास प्रशिक्षण प्रतिष्ठानको कार्यकारी निर्देशक बनाएर पठाइएको छ । मनत्रलयले तुलसीबहादुर श्रेष्ठलाई निर्वाचन आयोग पठाइएको छ भने उद्योगबाट तानेर सहसचिव प्रदीप कोइरालालाई सामान्य प्रशासन मन्त्रालयको अतिरिक्तमा थन्काइएको छ ।