मुलुकको प्रमुख प्रशासनिक केन्द्र सिंहदरबारमा कोरोना व्यापक रुपमा फैलिएको छ । मुलुकको प्रमुख प्रशासनिक केन्द्र सिंहदरबारमा आठ जना सचिवसहित सहसचिव र उपसचिवहरु अधिकांशमा कोभिड संक्रमण भएपछि त्रास बढेको हो ।

Advertisement 1

प्रधानमन्त्री तथा मन्त्रिपरिषद् कार्यालयका तीन जना सचिवलाई कोरोना भएको छ । सचिवहरू शिशिरकुमार ढुंगाना,रामप्रसाद थपलिया र कृष्णबहादुर रावतलाई कोरोना संक्रमण भएको हो । ढुंगाना र थपलिया कोरोना संक्रमित भई घरमै आइसोलेसनमा छन् ।

भौतिक पूर्वाधार तथा यातायात मन्त्रालयका सचिव रविन्द्रनाथ श्रेष्ठ, सहरी विकास मन्त्रालयका मणिराम गेलाल, उद्योग बाणिज्य तथा आपूर्ति मन्त्रालयका सचिव दिनेश भट्टराई र अर्थमन्त्रालयका राजस्व सचिव कृष्णहरि पुस्कर कर्णलाई पनि कोरोना पुष्टि भएपछि उनीहरु पनि घरमै आइसोलेसनमा छन् ।

Advertisement 2

शिक्षा, विज्ञान तथा प्रविधि मन्त्रालयका सचिव यादवप्रसाद कोइरालामा पनि कोरोना संक्रमण देखिएको छ ।
संस्कृति, पर्यटन तथा नागरिक उड्डयन मन्त्रालयका सचिव महेश्वर न्यौपाने पनि कन्ट्याक्ट ट्रेसिङमा परेकाले होम क्वारेन्टिन छन् ।

त्यस्तै अख्तियार दुरुपयो अनुसन्धान आयोगका आयुक्तमा पनि कोरोना संक्रमण भएको छ । आयोगमा प्रमुख आयुक्तका पीएदेखि बडीगार्ड पनि संक्रमित छन् ।