स्वास्थ्य तथा जनसंख्या मन्त्रालयले मातहतका विभाग, प्रतिष्ठानहरु, केन्द्रहरु, अस्पतालहरु र परिषद्हरुमा कार्यरत रहेका कर्मचारीहरुलाई सम्पत्ति विवरण पेश गर्ने निर्देशन दिएको छ । कर्मचारीलाई सम्पत्ति विवरण पेश गर्न राष्ट्रिय सतर्कता केन्द्रले ताकेता गरेपछि स्वास्थ्यले मातहतका ४७ वटा कार्यालयहरुलाई परिपत्र गर्दै तीन दिनभित्र सम्पत्ति विवरण बुझाउन भनेको छ ।

Advertisement 1

स्वास्थ्य तथा जनसंख्या मन्त्रालयका उपसचिव वाशुदेव घिमिरेको हस्ताक्षर रहेको परिपत्रमा भनिएको छ, ‘यस मन्त्रालयअन्तर्गत विभागहरु, प्रतिष्ठानहरु, केन्द्रहरु, अस्पतालहरु र परिषद्हरुमा कार्यरत रहेका कर्मचारीहरु निजामती बाहेकका अस्थायी/स्थायी, करार र ज्यालादारीमा कार्यरत कर्मचारीहरुले आ.ब. २०७७/०७८ को सम्पत्ति विवरण बुझाएको सम्बन्धि तपशिलको ढाँचामा ३ दिनभित्र अनिवार्य रुपमा यस मन्त्रालयको आन्तरिक प्रशासन शाखाले प्राप्त गर्ने गरी पठाइदिनुहुन अनुरोध छ,’