राजनीतिक दलको झोला बोक्न नजान्दा एक जना सह प्रध्यापकमाथि उपल्ला तहका गुरुहरुबाटै घोर ज्यादती भएको खबर छ ।
राजनीतिका कारण थिलथिलो भएको मुलुककै पूरानो विश्वविद्यालयभित्रको कथा हो यो । विशुद्ध प्रध्यापन मात्र गर्ने,अरु कुनै पनि राजनीतिक दलको झण्डा बोक्न नजानेकै कारण त्रिवि अन्तरगतको जल तथा मौसम विभाग केन्द्रीय विभागका सह प्रध्यापक डा तिर्थ राज अधिकारीमाथि घोर अन्याय भएको भन्दै उनकै चेला चपेटाहरुले समेत विभागीय प्रमुखको ध्यानाकर्षण समेत गराएका छन् ।
त्रिवि मातहतका सबै विभागहरुले गत बर्ष ९ फागुनमै प्रध्यापकका लागि विज्ञापन खोलिसकेको अबस्था छ । तिर्थकै छिमलका गुरुहरु धमाधम प्रध्यापक बनिसकेका छन् ।
तर उनी कार्यरत जल तथा मौसम विभागमा प्रध्यापकको विज्ञापन नै खुलाइएको छैन । दरवन्दी नभएका कारण नखोलिएको पनि होइन, दरबन्दी हुँदा हुँदै विज्ञापन नखोलिदा डा अधिकारीलाई सह प्रध्यापकमै घर फर्किन पर्ने स्थिती बनाइँदैछ ।झण्डै दश महिनादेखि अन्याय भुक्तमान गरिरहेका छन् अधिकारी ।

Advertisement 1

उनले यो बीचमा गत असोज १० गते कार्यकारी परिषद्को सचिवालयलाई पत्र लेख्दै छुट भएको प्रध्यापक पदको विज्ञापन गरिपाँए भन्दै निवेदन पनि दिएका हुन ।
०५२ सालदेखि शिक्षण पेशा गर्दै आएका अधिकारी,५३ मा करार,०५४ सालमा उपप्रध्यापक हुँदै ०७० साल जेठदेखि सहप्रध्यापकको रुपमा शिक्षण पेशामा छन् ।
आफू कार्यरत निकायमा प्रध्यापकको दरबन्दी रिक्त हुँदाहुँदै दरबन्दी नखुलाइएको र आफूमाथि भएको ज्यादती र अन्यायका बिषयमा उनले विभागीय प्रमुख,डिन,रेक्टर,भिसिदेखि शिक्षा मन्त्रालयका अधिकारीहरुसम्मलाई जानकारी गराइसकेका छन् तर कतैबाट न्याय पाउन सकेका छैनन ।

गत भदौं २५ गते नै रजिष्टारको कार्यालयलाई प्रध्यापक पदका लागि विज्ञापन गर्न अनुरोध पत्र गइसकेको भए पनि अझैं सुनुवाई नभएको उनले कार्यकारी परिषद्को सचिवालयमा पेश गरेको निवेदनमा उल्लेख छ ।

Advertisement 2

उनी आगामी असार १२ गते अनिवार्य अवकाशमा जाँदैछन् । अधिकारीले आफूमाथि भएको अन्याय बारे रजिष्टारलाई जानकारी गराए । भिसिलाई यही समस्या लिएर भेट्न खोजे । तर त्रिविविका उपकुलपति प्राडा धर्मकान्त बाष्कोटासँग भेट्नै चाहेका छैनन ।
आफू मर्कामा परेको बिषयमा सह प्रध्यापक अधिकारीले उपकुलपति बाष्कोटालाई भेट्नका लागि पटक पटक समय मागें । फोन गरे, लामो म्यासेज पठाए तर उपकुलपतिबाट समेत कुनै रेस्पोन्स पाएनन् ।
यही बीचमा त्रिविमा करार वा अस्थायी शिक्षक स्थायी गर्न माग राखेर तालाबन्दी जारी छ । त्रिविको प्रशासनिक काम पुल्चोकस्थित इञ्जिनियरिङ अध्ययन संस्थानमा बसेर चलिरहेको छ । तर, असार १२ गते अनिवार्य अवकासमा जान लागेका गुरुलाई अनेकन नाममा दुख दिने र सताउने काम भइरहेकोप्रति डा अधिकारी शूभचिन्तनक विद्यार्थीहरुले दुखेसो पोखेका छन् ।