Advertisement 1

वृद्ध भत्ताको ५० लाख रुपैयाँ चोरी प्रकरण संघीय मामिला तथा सामान्य प्रशासन मन्त्रालयले छानबिन गरेको छ । नुवाकोटको पञ्चकन्या गाउँपालिका–२ को वडा कार्यालयबाट गत चैत २४ मा चोरी भएको थियो । घटनाबारे लामो समयसम्म जानकारी नदिई स्थानीय तहमै मिलाउन खोजेपछि मन्त्रालयले टोली नै पठाएर छानबिन सुरु गरेको हो । यहि प्करणले संघीय मामला तथा सामान्य प्रशासन मन्त्रालयले गाउँपालिकाका प्रमुख प्रशासकीय अधिकृत नरेश पुडासैनीको सरुवा गरेको छ ।

सामाजिक सुरक्षा भत्ता वितरण गर्न भन्दै बैंकवाट झिकेको ५० लाख रुपैयाँ र वडा कार्यालयमा भएको ३ लाख गरी ५३ लाख रुपैयाँ चोरी भएपछि यो घटनासँग जोडेर मन्त्रालयले प्रशासकीय अधिकृतमाथि छानविन थालेको थियो । मन्त्रालयले गठन गरेको छानविन समिति पञ्चकन्या पुगेर स्थलगत अध्यययन गरेर फर्किएलगत्रै मन्त्रालयले प्रमुख प्रशासकीय अधिकृत पुडासैनीलाई मन्त्रालयमा सरुवा गरेको हो । उनलाई अतिरिक्त समूहमा राखेर काम बिहीन बनाइएको छ । मन्त्रालयले यो घटनाको छानविन गर्न उपसचिव मदन कोइराला संयोजक र लेखा अधिकृत उमेश्वर काफ्ले सदस्य रहेको समिति बनाएको थियो ।

Advertisement 2

समिति गाउँपालिका नै पुगेर अनुसन्धान गरेर काठमाडौं फर्किसकेको छ । ‘चोरीको घटनामा प्रमुख प्रशासकीय अधिकृतको धेरै कोणवाट कमजोरी देखिएको छ, उहाँलाई मन्त्रालयमा तानेर अनुसन्धान गरिरहेका छौं,’ संघीय मामिला तथा सामान्य प्रशासन मन्त्रालयका एक उच्च कर्मचारीले भने ।