इच्छुक पत्रकारिता पुरस्कार नेपालीलाई
दाङ। नेपाल पत्रकार महासङ्घ दाङले स्थापना गरेको पत्रकार ‘कृष्णसेन इच्छुक’ पत्रकारिता पुरस्कार जनक नेपालीलाई प्रदान गरेको छ।
Advertisement 1
पत्रकार कृष्णसेन इच्छुकको २४औँ स्मृति दिवसका अवसरमा नेपाल पत्रकार महासङ्घ दाङ र प्रेस सेन्टर नेपालले संयुक्त रुपमा आज १ कार्यक्रमको आयोजना गरी पत्रकार नेपालीलाई उक्त पुरस्कार प्रदान गरिएको हो।
त्यसैगरी, प्रेस सेन्टर नेपालले स्थापना गरेको कृष्णसेन इच्छुक पत्रकारिता पुरस्कार पत्रकार भूपेन्द्र वलीलाई र लोककुमारी रिजाल पत्रकातिा पुरस्कार पत्रकार सन्तोष डाँगीलाई प्रदान गरिएको छ।
Advertisement 2
कार्यक्रमका प्रमुख अतिथि प्रेस काउन्सिल नेपालका पूर्वध्यक्ष तथा वरिष्ठ पत्रकार नारायणप्रसाद शर्माले पत्रकार इच्छुकले जनताका पक्षमा चलाएको कलमले निष्ठाको पत्रकारितामा लाग्न प्रेरित गरेको बताए।
पछिल्लो समय पत्रकारितामा विकृति र विसङ्गति देखापर्न थालेको भन्दै त्यसलाई चिरेर अगाडि बढ्नुपर्ने बताए।
Advertisement 3
विसं २०१३ मा जन्मिएका पत्रकार प्रगतिवादी कवि तथा पत्रकार कृष्णसेन इच्छुकको २०५९ जेठ १३ गते माओवादी युद्धका क्रममा तत्कालिक नेपाली सेनाले पक्राउ गरी यातना दिँदै हत्या गरेको थियोे।
