संवैधानिक परिषद्‌ले विभिन्न संवैधानिक आयोगहरुमा रिक्त रहेका पदहरुमा नियुक्तिका लागि सिफारिस गरेका व्यक्तिहरुको नाम सार्वजनिक भएको छ । जसमध्ये प्रधानमन्त्री ओलीलाई गुन लगाएका आधारमा केही सचिव,पूर्व सचिवहरुले संवैद्यानिक आयोगमा नियुक्ति पाएका छन् । परिषद्‌ले लोक सेवा आयोग, अख्तियार दुरुपयोग अनुसन्धान आयोग, निर्वाचन आयोग लगायतमा रिक्त रहेका पदमा २० जनालाई नियुक्तिको सिफारिस गरेको छ ।
जसमध्ये लोकसेवा आयोगका अध्यक्षमा सिफारिस भएका छन् पूर्व सचिव माधव रेग्मी ।

Advertisement 1

संसदमा विश्वासको मत लिनु एक दिन अगाडि भएको नियुक्तिमा विभिन्न समयमा गुन लगाएकाहरूलाई प्राथमिकता दिइएको देखिन्छ । अख्तियार दुरुपयोग अनुसन्धान आयोगको आयुक्तमा सिफारिश गरिएका डा हरि पौडेल राष्ट्रपति कार्यालयका सचिव हुनुहुन्छ । उहाँको कार्यकाल तीन वर्ष बाँकी छँदाछँदै आयुक्त बनाइएको छ । पुस ५ गते प्रधानमन्त्रीले संसद विघटनको सिफारिस तयारी गरिरहँदा मङ्ग्सिर ३० गते नै नेकपाका नेता भीम रावल र पम्फा भुसाल समावेदन पत्र बोकेर राष्ट्रपति भवन पुग्नुभएको थियो । समावेदन पत्र दर्ता गर्न सचिव पौडेलको कार्यकक्षमा लामो समय बसेपनि उहाँ दर्ता नगरी मोबाइल अफ गरेर बस्नुभएको थियो । पछिको भेटमा उहाँले आफू छ घण्टासम्म पिसाब फेर्न गएको जवाफ दिएर उम्कनुभयो । रावल र भुसालले समावेदन दर्ताको निस्सा बुझेर जाने अडान लिएपछि उहाँ मोबाइल अफ गरेर हराउनुभएको हो ।

अहिले त्यहि पिसाब फेर्न गएको बेलाको मूल्याङ्कन गर्दै पुरस्कृत गरिएको बताइन्छ । मोबाइल अफ गरेर हराएको अवधिमै समावेदन पत्रको फोटोकपी बालुवाटार पुर्याइएको थियो ।

Advertisement 2

त्यसैगरी,फागुन २३ गते नेकपा टुक्राउने गरी फैसला गर्ने सर्वोच्चका श्रीमान् कुमार रेग्मीका सहोदर दाजु माधव रेग्मीलाई लोक सेवा आयोगको अध्यक्ष बनाएर पुरस्कृत गरिएको छ ।
उता संबैधानिक परिषदका सदस्य गणेश तिमिल्सेनाका सहोदर भाइ पुष्प तिमिल्सेनालाई समावेशी आयोगको सदस्यमा नियुक्ति दिलाएका छन् ।