उर्जा,जलश्रोत तथा सिँचाइ मन्त्रालयका सचिव मधुसुदन अधिकारी ५८ बर्ष उमेर हद लागेर घर फर्किएका छन् । २२ बर्ष अघि भूमि व्यवस्थापन प्रशिक्षण केन्द्रको प्रशिक्षकबाट जागिरे यात्रा प्रारम्भ गरेका उनले हिजो उर्जा,जलश्रोत तथा सिँचाई मन्त्रालय,सिंहदरबारबाट ५८ बर्ष उमेर हदका कारण निजामती सेवाबाट अवकाश लिएका हुन् ।
जागिरे जीवनको क्रममा १२ बर्षसम्म सोही केन्द्रमा बिताएका उनी बीचमा साढे ४ बर्ष नापी विभागमा बिताए ।

Advertisement 1

राष्ट्रिय पुनर्निर्माण प्राधिकरण,भौतिक पूर्वाधार मन्त्रालय,शहरी विकास हुँदै सात महिना अघि ऊर्जा, जलस्रोत तथा सिँचाइ मन्त्रालयमा सचिवका रुपमा पदस्थापन भएका थिए । यस अघि सिनियरका आधारमा मुख्यसचिवको दावेदार रहे पनि शंकरदास बैरागीले बाजी मारेका थिए ।
यही वैशाखमा मात्र तीन सचिवले अवकाश पाइसकेका छन् । ६ वैशाखमा बाग्मति प्रदेशमा मुख्यमन्त्री तथा मन्त्रिपरिषद्को कार्यालयको प्रमुख सचिवको रुपमा कार्यरत डा मानबहादुर बिके, वन तथा वातावरण मन्त्रालयका सचिव विश्वनाथ ओलीले २०७८ वैशाख ७ गते अवकाश पाएका छन् ।

अहिले चार सचिव पद रिक्त छ । कृषि तथा पशुपक्षी मन्त्रालयका सचिव पेमनारायण कँडेल वनमा पठाइएसँगै कृषि तथा पशुपक्षी मन्त्रालय,उर्जा जलश्रोत तथा सिचाँई मन्त्रालय,प्रधानमन्त्री तथा मन्त्रिपरिषद्को कार्यालय,यस्तै गण्डकी प्रदेश पनि प्रमुख सचिवविहिन छ ।  तत्कालै लोकसेवा आयोगका पदाधिकारी नियुक्त हुने सम्भवना छैन् । जेठमा अरु चार सचिव रिक्त हुँदैछन् ।

Advertisement 2

यस्तै शिक्षा, विज्ञान तथा प्रविधि मन्त्रालयका सचिव सञ्जय शर्माले २०७८ जेठ ६ गते अवकाश पाउदैछन् । जेठ महिनामै खानेपानी मन्त्रालयका सचिव माधव बेल्बासेले अवकाश पाउनेछन् । उनी आगामी ०७८ जेठ १४ गते अवकाश पाउनेछन्। मुख्यमन्त्री तथा मन्त्रिपरिषद्को कार्यालय सुर्खेतका प्रमुख सचिव चन्द्रमान श्रेष्ठले जेठ १५ गते अवकाश पाउनेछन् ।
यस्तै असार महिनामा अवकाश पाउने सचिवहरुमा हाल उपराष्ट्पति कार्यलयमा पठाइएका सचिव गोपीनाथ मैनाली छन् । उनले १ असारमा अवकाश लिनेछन् । रक्षा सचिव रेश्मीराज पाण्डेले असार २२ मा अवकाश लिनेछन भने हाल लोकसेवा आयोगका सचिव रहेका महेन्द्रप्रसाद गुरागाईंले पनि सोही दिन अवकाश पाउनेछन्