एजेन्सी ,कोरोनाभाइरसको दोस्रो लहरले थुप्रैलाई गाँजेको छ । डरको यो माहौलका बीच भारतको उत्तर प्रदेशको जौनपुरबाट एउटा यस्तो तस्बिर सार्वनिक भएको छ जसले मानवतामाथि नै प्रश्न चिन्ह खडा गरिदिएको छ । यहाँ गाउँलेले एक वृद्धालाई उनकी श्रीमतीको अन्तिम संस्कार गर्न दिएनन् किनभने सबैलाई कोरोनाको डर थियो । वृद्ध आफ्नी श्रीमतीको शव लिएर भड्किरहे तर कसैले पनि उनको मद्दत गरेनन् ।
भारतीय मिडिया आजतकका अनुसार यो घटना उत्तर प्रदेशको जौनपुरको हो । यहाँ तिलकधारी सिंहकी श्रीमती राजकुमारी थुप्रै दिनदेखि बिरामी थिइन् । सोमबार उनको स्वास्थ्य अवस्था बिग्रियो र उनलाई अस्पताल भर्ना गरियो । तर उनको अस्पतालमा नै मृत्यु भयो । अस्पतालबाट एम्बुलेन्समा राखेर शव घर पुर्याइयो ।