काठमाडौं। सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरेको छ। सोमबार साँझ बसेको मन्त्रिपरिषद् बैठकले कुलमानलाई बर्खास्त गर्ने निर्णय गरेको हो। प्राधिकरणको प्रबन्ध निर्देशकबाट घिसिङलाई हटाउँदै हितेन्द्रदेव शाक्यलाई नियुक्ती गर्ने निर्णय सरकारले गरेको छ।

Advertisement 1

यसअघि कुलमान घिसिङले पहिलो कार्यकालमा लोडसेडिङ हटाएको भन्दै दोस्रो कार्यकाल पनि नियुक्तिका लागि सर्वसाधारणले दबाब दिएका थिए। त्यसपछि शाक्यलाई नै विस्थापित गरेर घिसिङले दोस्रो कार्यकालका लागि नियुक्ति पाएका थिए।

दोस्रो कार्यकालमा घिसिङले प्राधिकरणभित्र चरम अनियमितता गर्दै आएका थिए। घिसिङले प्राधिकरणका खरिदका काममा नीति, नियम, विधि प्रकृया नमानेर मैमत्त बनेपछि सरकारले उनलाई कार्यकाल सकिनभन्दा करिब ५ महिनाअघि बर्खास्त गरेको हो।

Advertisement 2

उनको पछिल्लो नियुक्तिअनुसार  उनको कार्यकाल आगामी साउन अन्तिम साता सकिँदै थियो। तर, प्राधिकरणभित्र कसैलाई नटेरेका घिसिङले सरकारलाई समेत असहयोग गर्दै आएपछि सरकार उनलाई हटाउन बाध्य भएको हो।