काठमाडौं। नेपाली बजारमा दसैंपछि पहिलो पटक सुनको मूल्य घटेको छ। नेपाल सुनचाँदी व्यवसायी महासंघका अनुसार बुधबारको तुलनामा बिहीबार सुनको मूल्य सामान्य घटेको हो।

Advertisement 1

बुधबार प्रतितोला १ लाख ६६ हजार ७ सय रुपैयाँमा कारोबार भएको सुनको मूल्य बिहीबारका लागि १ लाख ६६ हजार रुपैयाँ तोकिएको महासंघले जानकारी दिएको छ।

यसअघि दसैंपछि निरन्तर बढेको सुनको मूल्यले बुधबार हालसम्मकै बढीको कीर्तिमान बनाएको थियो।

Advertisement 2

बिहीबारका लागि चाँदीको मूल्य प्रतितोला २ हजार ९५ रुपैयाँ तोकिएको छ। बुधबार चाँदीको मूल्य प्रतितोला २१ सय ३५ रुपैयाँ रहेको थियो।