दसैंपछि सुनको मूल्यमा दैनिक नयाँ रेकर्ड
काठमाडौं। नेपाली बजारमा मंगलबार सुनको मूल्य बढेको छ। मंगलबार पनि बढेसँगै सुनको मूल्यमा दिनदिनै नयाँ रेकर्ड बन्ने क्रम जारी रहेको हो। मंगलबार ३ सय रुपैयाँ प्रतितोलाका दरले बढेको सुनको मूल्य १ लाख ६५ हजार ९ सय रुपैयाँ पुगेको छ।
Advertisement 1
यसअघि सोमबार सुनको मूल्य प्रतितोला १ लाख ६५ हजार ६ सय रुपैयाँ रहेको थियो। नेपाल सुनचाँदी व्यवसायी महासंघका अनुसार आइतबारको तुलनामा सोमबार र सोमबारको तुलनामा मंगलबार मूल्य बढेको हो। दसैंयता सुनको मूल्यमा निरन्तर वृद्धि हुँदै आएको छ।
आइतबार प्रतितोला १ लाख ६५ हजार रुपैयाँका दरले कारोबार भएको थियो। मंगलबार चाँदीको मूल्य प्रतितोला २१ सय रुपैयाँ तोकिएको महासंघले जानकारी दिएको छ। यसअघि सोमबार चाँदीको मूल्य प्रतितोला २ हजार ९५ रुपैयाँ रहेको थियो।
प्रकाशित :२०८१ कार्तिक ६, मंगलवार १०:४६
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
