काठमाडौं। नेपाली बजारमा सुनको मूल्यले नयाँ कीर्तिमान कायम गरेको छ। नेपाल सुनचाँदी व्यवसायी महासंघका अनुसार आइबार सुनको मूल्य ५ रुपैयाँ प्रतितोलाका दरले बढ्दै सुनको मूल्यमा नयाँ रेकर्ड कायम गरेको हो।

Advertisement 1

आइतबारका लागि नेपाली बजारमा छापावाल सुनको मूल्य प्रतितोला १ लाख ५६ हजार ८ सय रुपैयाँ तोकिएको छ। यसअघि शुक्रबार छापावाल सुन प्रतितोला १ लाख ५६ हजार ३ सय रुपैयाँका दरले कारोबार भएको थियो।

शुक्रबार उक्त मूल्य सुनको सबैभन्दा उच्च मूल्य रहेकोमा आइतबार त्यसभन्दा पन माथि पुगेको महासंघले जानकारी दिएको छ। यसअघि बुधबार सुनको कारोबार प्रतितोला १ लाख ५३ हजार ४ सय रुपैयाँ रहेको थियो।

Advertisement 2

बिहीबार १ लाख ५३ हजार ३ सय रुपैयाँका दरले कारोबार भएको थियो। आइतबारका लागि चाँदीको मुल्य पनि बढेको महासंघले जानकारी दिएको छ।

महासंघका अनुसार आइतबारका लागि चाँदीको मूल्य प्रतितोला १९ सय रुपैयाँ तोकिएको छ। यसअघि शुक्रबार चाँदीको कारोबार प्रतितोला १८ सय ६० रुपैयाँमा भएको थियो।