भैंसीले हान्दा बाघको मृत्यु
काठमाडौं। मकवानपुरको मनहरीस्थित एक जना किसानको गोठमा पालेको भैंसीले बाघ मारेको छ। मनहरी गाउँपालिका–६ प्रतापपुरका बलबहादुर राईको गोठमा रहेको भैंसीले चितवन राष्ट्रिय निकुञ्जबाट निस्केको बाघलाई मारेको हो।
Advertisement 1
निकुञ्जका सूचना अधिकारी गणेशप्रसाद तिवारीका अनुसार बिहीबार बिहान भैंसीको प्रतिकारमा बाघ मरेको हो। बाघको आक्रमणबाट भैंसी घाइते भएको छ। यस्तो घटना निकुञ्ज र मध्यवर्ती क्षेत्रमा पहिलो हो। ‘मरेको बाघ बुढो र दुब्लो देखिन्छ। निकुञ्जभित्र सिकार गर्न नसकेर आहाराको खोजीमा बाहिर निस्केको हुनसक्छ,’ तिवारीले भने।
शव परीक्षणका राष्ट्रिय निकुञ्ज ल्याइएको सूचना अधिकारी तिवारीले जानकारी दिए।
प्रकाशित :२०८१ भाद्र ६, बिहीबार ११:०८
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
