काठमाडौं। नेपाली बजारमा सुनको मूल्यले नयाँ कीर्तिमान कायम गरेको छ। नेपाल सुनचाँदी व्यवसायी महासंघका अनुसार बुधबार सुनको मूल्य अहिलेसम्मकै उच्च पुगेको छ।

Advertisement 1

बुधबारका लागि छापावाल सुनको मूल्य प्रतितोला १ लाख ५३ हजार रुपैयाँ कायम गरिएको छ। यसअघि मंगलबार छापावाल सुनको मूल्य प्रतितोला १ लाख ५२ हजार २ सय रुपैयाँ रहेको थियो।

यसअघि गत आइतबार छापावाल सुन १ लाख ५२ हजार ६ रुपैयाँ प्रतितोलाको नयाँ उचाइमा कारोबार भएको थियो। बुधबार त्यसको पनि रेकर्ड तोड्दै मूल्य १ लाख ५३ हजार रुपैयाँ पुगेको हो।

Advertisement 2

बुधबारका लागि चाँदीको मूल्य पनि बढेको महासंघले जानकारी दिएको छ। महासंघका अनुसार बुधबार चाँदीको मूल्य प्रतितोला १ हजार ८ सय ३५ रुपैयाँ पुगेको हो। यसअघि मंगलबार चाँदीको मूल्य प्रतितोला १ हजार ८ सय २० रुपैयाँ रहेको थियो।