सिन्धुली प्रहरी प्रमुखको जिम्मेवारी पाएका एसपी आभूषण तिम्सिनालाई ३ महिना पनि नपुग्दै केन्द्रमा तानिएको छ।

Advertisement 1

गत पुस २१ गते मात्र एसपी रञ्जु सिग्देललाई सरुवा गर्दै सीआईबीमा कार्यरत तिम्सिनालाई सिन्धुली प्रहरी प्रमुख बनाइएको थियो। एसपी तिम्सिनालाई प्रहरी महानिरिक्षकको सचिवालयमा सरुवा गरिएको प्रहरी प्रधान कार्यालयले जनाएको छ ।

उनको ठाउँमा एसपी गोविन्द थपलियालाई सरुवा गरिएको छ । । उनी सर्वोच्च अदातलको सुरक्षा कार्यालयमा कार्यरत थिए । ‘प्रहरी आचरण व्यवहार, कार्यक्षमता र हाल प्रहरी दिनुपर्ने समयअनुकूलको सेवा दिन नसकेकालाई उहाँलाई कारबाहीस्वरूप प्रधान कार्यालय तानिएको हो,’ प्रहरी महानिरीक्षकको सचिवालय स्रोतले भन्यो। त्यसअघि तिमल्सिना केन्द्रीय अनुसन्धान ब्युरोमा कार्यरत् थिए। रञ्जु सिग्देलको सरूवा गर्दै प्रधान कार्यालयले तिमल्सिनालाई सिन्धुली जिल्लाको जिम्मेवारी दिएको थियो।