इंग्लिस प्रिमियर लिगमा म्यानचेस्टर सिटीले एभर्टनलाई ३-१ ले हराएको छ । घरेलु टोली एभर्टनका लागि ज्याक ह्यारिसनले २९ औं मिनेटमा गोल गर्दै टोलीलाई अग्रता दिलाए।

Advertisement 1

त्यसपछि पनि केही उत्कृष्ट प्रहार गरे पनि एभर्टन सफल हुन सकेन। दोस्रो हाफमा भने उत्कृष्ट लयमा देखिएको सिटीले बर्नान्डो सिल्भाको पासमा फिल फोडेनले ५३ औं मिनेटमा बराबरी गोल फर्काए।

अमडोउ ओननाले ह्यान्ड गरेपछि पाएको पेनाल्टीमा जुलियन अल्भारेजले ६४ औं मिनेटमा गोल गर्दा सिटीले खेलमा अग्रता बनायो। टिमका लागि तेस्रो गोल बर्नान्डो सिल्भाले ८६ औं मिनेटमा गरेका थिए।

Advertisement 2

लगातार चौंथो सिजन उपाधि दौडमा रहेको सिटी शीर्ष स्थानको लिभरपुलसँग खेल अघिसम्म ८ अंकले पछि रहेको थियो। तर दोस्रो हाफको सानदार पुनरागमनसँगै शीर्ष चारमा फर्किँदा लिभरपुलसँग ५ अंकमा अग्रता घटाउनसमेत सफल भयो।