विशेष अदालतले १४ लाख घुस प्रकरणमा सिनियर डिभिजन ईन्जिनियर प्रकाश अधिकारीलाई दोषी ठहर गरेको छ । ७६ साल साउन २ गते अख्तियारको टोलीले १४ लाख ६८ हजार घुस रकमसहित सिँचाइ विकास डिभिजन कार्यालय दोलखा प्रमुख र इन्जिनियर पक्राउ गरेको थियो । अख्तियारले प्रकाश अधिकारी र इन्जिनियर भोगेन्द्र शाहलाई पक्राउ गरेको गरी उनीहरुको साथबाट १३ लाख ३८ हजार पाँच सय र शाहको साथबाट एक लाख २९ हजार एक सय पाँच रुपैयाँ बरामद गरेको थियो ।

Advertisement 1

घुस रकमसहित दोलखाबाट काठमाडौं जाँदै गर्दा सिन्धुपाल्चोकको सुकुटेबाट पक्राउ गर्दै विशेषमा मुद्धा दायर गरेकोमा विशेष अदालतले प्रमुख सिनियर डिभिजन ईन्जिनियर प्रकाश अधिकारी भ्रष्टाचार मुद्दामा दोषी ठहर गर्दै डेढ डेढ वर्ष कैद सजाय सुनाएको छ । पक्राउ परेकोमा चार वर्षपछि मुद्दाको फैसला भएको हो । जसमा दुवै जना दोषी ठहर भएका छन् ।

बिभिन्न उपभोक्ता समितिहरु तथा अन्य कम्पनीहरूसंग घुस रकम लिई सरकारी गाडिमा काठमाण्डौ आउँदै गरेको भन्ने सुचनाको आधारमा अख्तियार दुरूपयोग अनुसन्धान आयोगबाट खटिई गएको टोलीले उनीहरुलाई पक्राउ गरी विशेष अदालतमा भ्रष्टाचार मुद्धा दायर गरेको थियो ।

Advertisement 2