शनिबार र सार्वजनिक बिदाको दिन अनुमति विना सरकारी गाडी चलाउनु सामान्य जस्तै बनेको छ । सरकारी गाडी लिएर जन्तीदेखि वनभोजसम्म गएको घटना सार्वजनिक भएका छन् ।सार्वजनिक बिदाको दिन सरकारी सवारीसाधन दुरुपयोग भएको भन्दै नेकपा एमालेनिकट राष्ट्रिय युवा संघ नेपालले विरोध जनाएको छ।

Advertisement 1

युवा संघले सार्वजनिक बिदामा विनापासका सवारीसाधन चलाउनेविरुद्ध सडक संघर्ष गरेको हो। युवा संघले काठमाडौंको कलंकी, बालाजु, बानेश्वर र भक्तपुरको सूर्यविनायक तथा ललितपुरमा सडक संघर्ष गरेको छ। युवा संघका प्रवक्ता निरोज पौडेलका अनुसार अब देशभर सार्वजनिक बिदाको दिन चलाउने सरकारी गाडी रोकेर विनापासका सवारीलाई नियन्त्रणमा लिएर प्रहरीलाई जिम्मा लगाएउने बताए।युवा संघले सवारीसाधन नियन्त्रणमा लिन थालेपछि थप क्षति हुन नदिन प्रहरी वृत्त कालीमाटीका डिएसपी नरहरि अधिकारी र ट्राफिक प्रहरी प्रभाग कलंकीका प्रमुख प्रहरी निरीक्षक युवराज कटुवाल सडकमा देखिएका थिए।

४ साउन २०७४ मा गृह मन्त्रालयले जिल्ला प्रशासन कार्यालयलाई पत्र लेखी सरकारी सवारी साधन बिदाको दिन समेत चलाउनुपर्ने भएमा अनिवार्य सवारी पास लिनुपर्ने व्यवस्था कडाइका साथ लागु गर्न निर्देशन दिएको थियो ।

Advertisement 2

सरकारी सवारी सञ्चालनबारे जिल्ला प्रशासन कार्यालयहरूले आ–आफ्ना मापदण्ड बनाएका छन् । कार्यालयको कामको सिलसिलामा मात्र सरकारी गाडी प्रयोग गर्नुपर्ने, कार्यालयको अत्यावश्यक काम विना कार्यालय समय अगाडि र पछाडि सरकारी गाडी प्रयोग नगर्ने, सवारी साधन प्रयोग सम्बन्धी लगबुक राख्नुपर्ने लगायत नियम बनाएका छन् ।त्यस्तै सार्वजनिक बिदाका दिन सरकारी सवारी साधन सञ्चालन नगर्ने र बिदाको दिनमा काम गर्नुपरेमा प्रमुख जिल्ला अधिकारीबाट अनुमति लिनुपर्ने व्यवस्था पनि प्रशासन कार्यालयहरूले गरेका छन् ।