एक अञ्जुली मायाको उपहार छरिदेउ त्यो मुटुको सन्दुकको हीरा फोरिदेउ शव्दको मीठो गीत आन्द कार्कीको स्वरमा गुन्जीरहेको थियो ।

Advertisement 1

गोदावरी र टोखाको जंगलमा सोनी ढुंगाना र आरुस के सी अर्थात दिपेन्द्र खत्रीको सुन्दर अभिनय मनमोहक थियो, गीतमा अनन्द कार्की पनि नाचिरहेका छन् । सन्दर्भ हो कुशल प्रशासक लेखक तथा गीतकार डा दामोदर रेग्मीको गीतको भिडियो । रक्षा बन्धनको अवसर पारेर आर आर स्टुडियोले यू ट्यूव मार्फत उक्त भिडियो रिलिज गरेको छ । बैशाख १ गते अडियो रिलिज भएको उक्त गीतको भिडियो रिलिज भएको छ । डा. दामोदर रेग्मीको शव्द रचना रहेको उक्त गीतमा किरण कडेलले सुमधुर संगीत भरेका छन् र स्वर रहेको छ सदावहार गायक आनन्द कार्कीको ।

शम्भु कुमार तन्डुकारले मिक्सिंग गरेका छन् । सियोन श्रेष्ठले निर्देशन गरेको उकत भिडियो मा सोनी ढुंगाना र दिपेन्द्र खत्रीको मूल अभिनय तथा गायक आनन्द कार्की र गीतकार समेतको अभिनय रहेको छ । चक्र बहादुर बराल सिनेमाटोग्राफर रहेका छन् भने भिजुअल सम्पादन शिलन लम्साल र श्रृंगार सीता थापाको रहेको छ । कुशल प्रशासक तथा गीतकार डा दामोदर रेग्मीको मन छुने शव्दमा गीत गाउन पाउदा खुशी लागेको र उहां संग आगामी दिनमा थप सहकार्य हुने कुरा गायक आनन्द कार्कीले वताए । गीतकार डा दामोदर रेग्मीको मन छुने शव्द र सदावहार गायक आनन्द कार्कीको स्वरले गीत कर्णप्रिय बनेको संगीतकार किरण कडेलले बताए ।

Advertisement 2

मोडल दिपेन्द्र खत्रीले आनन्द कार्की र डा. दामोदर रेग्मी लगायत यति राम्रो टिम संग काम गर्न पाउदा साह्रै गर्व लागेको वताएका छन् । मोडल सोनी ढुंगानाले गीतकारका हरेक शव्द, संगीत र स्वर मनमोहक छन् यति राम्रो गीतमा अभिनय गर्न पाउनु गर्वको कुरा रहेको वताइन ।भिडियो निर्देशक सियोन श्रेष्ठले यो गीतमा सवै पक्षको उचित संयोजन भएको ले गीत र भिडियो दुवै राम्रो बन्न पुगेको बताए उनले भने दामोदर रेग्मीको शव्द रहेको अर्को गीतको पनि भिडियो निर्माण गर्न पाउदा खुशी लागेको छ । भिडियो व्यवस्थापन समूहका रामहरि खड्काले जादुयी स्वरका धनि आनन्द कार्कीको स्वर उत्कृष्ट गीतकार दामोदर रेग्मी र संगीतकार किरण कडेलको गीतलाई भिडियोमा रुपान्तरण गर्न पाउनु आफ्नो लागि खुशीको कुरा भएको बताए । उनले थपे दामोदर रेग्मीको शव्द डि वि लामाको संगीत प्रताप दास र अनु चौधरीको स्वर रहेको अर्को अतिनै कर्णप्रिय गीतको भिडियोको काम पनि अन्तिम चरणमा पुगेको र चाडै सो भिडियो पनि रिलिज गरिने छ ।

आफ्नो शव्दमा मुरलीधरको स्वर संगीत रहेको सिरेटोले छुदै छुन्न गीतको अडियो रिलिज भैसकेको र केही समय पछि भिडियो निकालिने गीतकार डा दामोदर रेग्मीले वताए । उनले भने चर्चित गायक गायिका र संगीतकारहरुको साथमा अन्य गीत ल्याउने तयारी समेत भैरहेको छ । एक अञ्जुली माया शीर्षक रहेको भिडियो मा संलग्न सवैको लगनशीलताले राम्रो भिडियो बनेको उनले बताए ।