सरकारले किसानलाई अनुदानमा उपलब्ध गराउने मलमा कालोबजारी भएको पाइएको छ । मल बिक्रीका लागि अनुमति नलिईकन अनुदानको मल दुरुपयोग गरेर किसानसँग चर्को मूल्य लिएको खुलेको हो ।

Advertisement 1

रासायनिक मल विनाअनुमति बिक्री गरेको पाइएपछि जिल्ला प्रशासन कार्यालय इलामले एक्सन लिएको छ । जिल्ला प्रशासन कार्यालय इलामले सदरमुकाममा रहेको एक पसललाई दुई लाख रुपियाँ जरिवाना गरेको छ । सदरमुकामस्थित इलाम नगरपालिका –७ मा सञ्चालित माँ दुर्गा एग्रिकल्चर एण्ड सप्लायर्सलाई दुई लाख रुपियाँ जरिवाना गरेको प्रमुख जिल्ला अधिकारी श्रवणकुमार पोख्रेलले बताए । सो पसलबाट १४ बोरा युरिया, २६ बोरा डीएपी र दुई बोरा पोटास बरामद गरिएको पोख्रेलले इकर्मचारीलाई बताएका छन् ।

पछिल्लो समय बजार अनुगमनलाई तिव्र बनाएको छ प्रशासन कार्यालयले । नेपाल सरकारले अनुदानमा उपलव्ध गराएको मलमा समेत कालाबजारीयाहरुले लुट मच्चाएको गुनासो चुलिए पछि जिल्ला प्रशासन कार्यालयले बजार अनुगमनलाई तिव्रता दिएको हो । सरकारले अनुदानमा उपलव्ध गराएको कृषि मल जिल्लाकै केही सहकारीले व्यापारीलाई विक्री वितवरण गर्ने गरेको र किसानको ढाड सेकिने गरी चर्को मूल्यमा कृषकहरु किन्न बाध्य भएको गुनासो व्याबढेपछि बजार अनुगमनलाई तिव्रता दिइएको  पोखरेलले बताउँछन् ।

Advertisement 2

बजार अनुगमनको क्रममा ८४ बोरा अनुदानको मल जफत गरिएको छ । इलाम सदरमुकाममा अवस्थित कृषि विज भण्डारलाई २ लाख जरिवाना तिराएर ५२ बोरा मल जफत गरेको छ प्रशासनले । कृषि सामाग्री केन्द्रबाट अनुदानमा प्राप्त उक्त मल जफत गरि सहकारीलाइ कारवाहीको दायरामा ल्याएको प्रशासन कार्यालयले यस्तै बदमासीमा संग्लग्न फिक्कल वजार स्थित भट्टराई चिया,कुचो ,अदुवा ,आलु कृषि व्यवसाय फर्मलाई समेत कारवाही गर्दै मल जफत गरेको छ । सो फर्मबाट ३२ बोरा अनुदानको मल फेला पारेपछि मल जफत गर्दै सो फर्मलाई समेत २ लाख जरिवाना तिराइएको जिल्ला प्रशासन कार्यालय इलामले जनाएको छ ।