लाईट कम्पाटमेन्टमा राखेर तस्करी, समाते सशस्त्र रौतहटले त्यो पनि
सशस्त्र प्रहरी बल ११ नम्बर गणले २१ लाख ६४ हजार बराबरको अवैध लत्ताकपडा बरामद गरेको छ । सशस्त्र प्रहरी बल ११ नम्बर गण रौतहट हेडक्वाटरले २१ लाख ६४ हजार बराबरको अवैध लत्ताकपडा, बस सहित दुई जनालाई पक्राउ गरेको हो ।
Advertisement 1
विशेष सूचनाको आधारमा खटिएको टोलीले २७ गते साढे सात बजे यमुनामाई गाउँपालिका ५ ईद्रिस गेटमा सवारी साधन चेकजाँच गर्ने क्रममा गौरबाट काठमाण्डौतर्फ जाँदै गरेको ना ४ ख ५१४४ नम्बरको यात्रुबाहक बसमा यात्रु सिट माथिको लाईट कम्पाटमेन्टमा स्कु खोली प्रत्येक होलको फल्स बटममा लत्ताकपडाहरु लुकाई छिपाई अबैध रुपमा भन्सार छली लैजादै गरेको अवस्थामा बरामद गरेको छ ।
Advertisement 2
धादिङ जिल्ला बेनिघाट रोलाङ गाउँपालिका २ का २७ बर्षे चालक राज कुमार लामा र रौतहट बृन्दावन नगरपालिका ७ का २१ बर्षे सहचालक मिराज अन्सरीलाई पक्राउ गरेको सशस्त्र प्रहरी बल ११ गणका प्रमुख एसपी माधव रेग्मीले जानकारी दिए । ‘काठमाडौं जान लागेको बसमा अवैध कपडा तस्करी हुन लागेको भन्ने विशेष सूचना पाएपछि हाम्रो टोली साँझदेखि तैनाथी अवस्थामा थियो,’ उनले भने, ‘भारतबाट भन्सार राजस्व छलेर ल्याएका कपडाहरू राजधानी लैजान लागेको रहेछ । हामीले चालक, सहचालकलाई नियन्त्रणमा लिएर कारबाहीका लागि गौर भन्सार कार्यालय बुझाएका छौं ।’
