सहसचिव र उपसचिवको रिक्त दरबन्दी कति ?
संघीय मामिला तथा सामान्य प्रशासन मन्त्रालयले राजपत्रांकित प्रथम श्रेणी अर्थात् सहसचिव र राजपत्रांकित द्वितीय श्रेणी उपसचिव सरहका कर्मचारीको रिक्त पदको दरबन्दी विवरण खोज्न थालेको छ ।
निजामती किताबखानाका अनुसार चालु् आर्थिक बर्षमा ३२ सहसचिव अवकाशमा जाँदैछन् । ५८ बर्ष उमेर हद लागेर ३२ जना सहसचिव घर जाने भएका हुन ।
विवरण अनुसार, श्रम, रोजगार तथा सामाजिक सुरक्षा मन्त्रालयका कृष्ण प्रसाद ज्ञवाली, गृह मन्त्रालयका फणिन्द्र मणि पोखरेल, लोक सेवा आयोग केन्द्रीय कार्यालयका वलदेव प्रसाद जोशी, नेपाल ट्रष्टको कार्यालयका विष्णुराज ढकाल, जिल्ला प्रशासन कार्यालय सर्लाहीका थानेश्वर गौतम, संघीय मामिला तथा सामान्य प्रशासन मन्त्रालयका कृष्ण प्रसाद धिताल, भौतिक पूर्वाधार तथा यातायात मन्त्रालयका इन्द्रमणि पोखरेल, गृह मन्त्रालयका बाबुराम खतिवडा, निर्वाचन आयोगका शालीग्राम शर्मा पौडेल, युवा तथा खेलकुद मन्त्रालयका ध्रुव गैँडा, पर्यटन कार्यालय पोखराका कृष्ण बहादुर बोहरा, सार्वजनिक ऋण व्यवस्थापन कार्यालयका भूमि राम शर्मा, जिल्ला प्रशासन कार्यालय महोत्तरीका दीपक कुमार पहाडी अवकाशमा जानेका सूचीमा छन् ।
Advertisement 1
त्यस्तै श्रम, रोजगार तथा सामाजिक सुरक्षा मन्त्रालयका केशव प्रसाद बिमली, गृह मन्त्रालयका राम प्रसाद पाण्डे, राष्ट्रिय योजना आयोगका सचिवालयका बाबुराम सुवेदी, जिल्ला प्रशासन कार्यालय बाराका नवराज सापकोटा, शिक्षा, विज्ञान तथा प्रविधि मन्त्रालयका भगवान अर्याल, आन्तरिक मामिला तथा कानून मन्त्रालयका कमल राज ढकाल, भन्सार विभाग काठमाण्डौका गोविन्द प्रसाद सुवेदी, जिल्ला प्रशासन कार्यालय, कास्कीका टेक बहादुर के सी पनि अवकाश पाउनेको सूचीमा छन् ।
जिल्ला प्रशासन कार्यालय दोलखाका भोज राज खतिवडा, धनगढी उप महानगरपालिकाका राम लाल श्रेष्ठ, आन्तरिक मामिला तथा कानून मन्त्रालय, हेटौडाका नारायण शर्मा, भौतिक पूर्वाधार विकास मन्त्रालय, विराटनगर, मोरङका ज्ञानेन्द्र प्रसाद ढकाल, लोक सेवा आयोग, सुर्खेत कार्यालयका अन्जन कुमार मिश्र, लोक सेवा आयोग, धनकुटा कार्यालयका टाम लाल पाण्डे सेवानिवृत्त हुनेछन् ।
Advertisement 2
चिकित्सा विज्ञान राष्ट्रिय प्रतिष्ठान, वीर अस्पताल काठमाडौंका ध्रुव राज पण्डित, संघिय मामिला तथा सामान्य प्रशासन मन्त्रालयका बाबु राम ज्ञवाली, संघीय मामिला तथा सामान्य प्रशासन मन्त्रालयका हेमन्त राज निरौला, काशी राज दाहाल लगायत अवकाशमा जानेको सूचीमा छन् ।
संघीय मन्त्रालयले भने यसरी अवकाशमा गएपछि रिक्त हुने सहसचिव र उपसचिवको विवरण पठाउन परिपत्र गरेको छ । सबै मन्त्रालय, आयोग, सचिवालय र निकायहरुलाई मन्त्रालयले आगामी भदौ १० गतेभित्र सहसचिव र उपसचिवको रिक्त पदहरुको विवरण पठाउन आज निर्देशन दिएको छ ।
लोकसेवा आयोगको स्वीकृत वार्षिक कार्यतालिकाअनुसार आर्थिक वर्ष २०८०–८१ मा राजपत्रांकित प्रथम र द्वितीय श्रेणीका (प्राविधिक–अप्राविधिक) रिक्त पदहरुको पदपूर्ति गर्ने प्रयोजनका लागि विवरण आवश्यक परेको मन्त्रालयले जनाएको छ । मन्त्रालयले सबै सेवा, समूह र उपसमूहका विवरण छुट्टाछुट्टै पानामा संलग्न गरेर राष्ट्रिय किताबखानामा रहेको विवरणसँग रुजु गराएर फरक नपर्ने गरी उपलब्ध गराउन भनेको छ ।
Advertisement 3
‘नेपाल सरकारको स्वीकृत संगठन तथा व्यवस्थापन सर्वेक्षण प्रतिवेदनअनुरुप रिक्त पदहरु र चालु आर्थिक वर्षमा रिक्त हुन आउने पदहरु राष्ट्रिय किताबखानामा रहेको विवरणसँग रुजु गराई पछिसम्म फरक नपर्ने गरी आफ्नो सेवा, समूह, उपसमूहका अन्य निकायहरुमा रहेका दरबन्दीमा पदपूर्ति तथा रिक्तको अवस्थासमेत यकिन गरी एकीकृत विवरणसहितको माग आकृति फारम भरी २०८०–५–१० गतेभित्र उपलब्ध गराइदिनुहुन यस मन्त्रालयको ९सचिवस्तर० को मिति २०८०–४–२४ को निर्णयानुसार अनुरोध छ’, पत्रमा उल्लेख छ ।
सो विवरण अनिवार्य मन्त्रालयको इमेल ठेगानामा पठाउनुपर्ने जनाइएको छ ।
