विदेशी च्यानल आजदेखि बन्द हुने
विदेशी च्यानलको प्रसारण आज आइतबारदेखि रोकिने भएको छ । डिजिटल सिस्टम अफ नेपाल प्रालि वितरकलगायत तीनवटा कम्पनी अलाकार्ट प्रणाली कार्यान्वयन गर्न तयार भएका छन् ।
Advertisement 1
योसँगै अलाकार्ट प्रणाली कार्यान्वयन नगर्ने विदेशी च्यानल आजदेखि बन्द हुने विभागको सुचनामा भनिएको छ । यसबाट सःशुल्क (हेर्नका लागि पैसा तिर्नुपर्ने) टेलिभिजन च्यानलको प्रसारण मात्र प्रभावित हुनेछ । विभागका प्रवक्ता तथा निर्देशक भरत गौतमले निर्धारित समय अवधिभित्र डिजिटल सिस्टम अफ नेपाल (डीएसएन) ले मात्रै आवश्यक विवरण उपलब्ध गराएको जानकारी दिए ।
अन्यले सञ्चार तथा सूचना प्रविधि मन्त्रालयमा पनि च्यानल शुल्क र बुके उपलब्ध गराएको भन्ने सुन्नमा आएको छ, गौतमले भने । डीएसएनले नेपालमा सोनी, कलर्स र डिस्कभरी नेटवर्कका टेलिभिजन च्यानलको डाउनलिङ्क अनुमति पाएको छ । भारतीय च्यानल प्रसारक संस्थाहरूले भने नेपाल सरकारको आलाकार्टा प्रणाली विरोध गरिरहेका छन् ।
Advertisement 2
उनीहरूले प्रत्येक च्यानलको छुट्टाछुट्टै मूल्य तोक्ने कुरा मान्य नहुने अडान लिएका छन् ।
