राष्ट्रिय प्रजातन्त्र पार्टी (राप्रपा) पार्टीमा प्रवेश गरेको १४ महिनापछि पूर्व सचिव केदार बहादुर अधिकारीले महत्वपूर्ण जिम्मेवारी पाएका छन् । गत बर्ष ५ वैशाखमा पूर्व सचिव केदारबहादुर अधिकारी राष्ट्रिय प्रजातन्त्र पार्टीमा प्रवेश गरेका थिए । अध्यक्ष राजेन्द्र लिङ्देनको व्यक्तित्वबाट प्रभावित भएर अधिकारी राप्रपामा प्रवेश गरेको बताउँदै आएका थिए ।

Advertisement 1

सक्रिय राजनीतिमा प्रवेश गरेका अधिकारी पार्टी प्रवेश गरेको झण्डै १४महिनापछि मुख्यसचिवको जिम्मेवारी पाएका हुन । स्थानीय विकास,पर्यटन लगायत मन्त्रालयमा सचिव भएर काम गरेका अधिकारीलाई गत बर्ष  राप्रपा अध्यक्ष राजेन्द्र लिङ्देन, महामन्त्री धवल शमशेर जबरा लगायतले पार्टीमा स्वागत गरेका थिए ।

राप्रपा स्रोतका अनुसार पार्टीका मुख्यसचिवको जिम्मेवारी सम्हालिरहेका हेमजङ्ग गुरुङलाई राजीनामा दिन लगाएर सो ठाउँमा पार्टी अध्यक्ष राजेन्द्र लिङ्देनले अधिकारीलाई मनोनीत गरेका हुन । पार्टीका उपाध्यक्ष समेत रहेका गुरुङको कार्यशैली सन्तोषजनक नभएपछि उनलाई पार्टीले मुख्यसचिव पदबाट राजीनामा दिन लगाएर त्यहाँ अधिकारीलाई मनोनयन गरिएको हो ।अध्यक्ष राजेन्द्र लिङ्देनले केन्द्रीय सदस्य अधिकारीलाई मुख्यसचिवमा मनोनयन गरेका हुन् ।

Advertisement 2

नेपाल सरकारका पूर्वसचिवसमेत रहेका उनी चितवनका हुन् । सचिवबाट अवकाश पाएपछि उनी राप्रपा प्रवेश गरेका थिए ।
उनीझैं अर्काे पूर्व सचिव केदार न्यौपाने पनि राप्रपा पार्टीमै आवद्ध छन् । ३२ वर्ष निजामती सेवामा रहेका न्यौपाने अवकाशलगत्तै राप्रपा रोजेर राजनीतिमा होमिएका हुन सर्वोच्चमा रिट हालिरहने वरिष्ठ अधिवक्ता बालकृष्ण न्यौपाने उनका साख्खै दाजु हुन् ।