स्याउ तस्करी आरोपमा सशस्त्रका डिएसपी र इन्स्पेक्टरमाथि कारबाही
चीनबाट ल्याएको स्याउ भारततर्फ भइरहेको तस्करीमा संलग्न रहेको आरोपमा सशस्त्र प्रहरीका सशस्त्र प्रहरी नायब उपरीक्षक र सशस्त्र प्रहरी निरीक्षक कारबाहीमा परेका छन् ।
Advertisement 1
झापाको केचनाबाट तस्करी गरेर भारततर्फ लैजाँदै गरेको १ सय १५ कार्टुन फूजी स्याउ तस्करीमा संलग्न रहेको आरोपमा सशस्त्र प्रहरी बल प्रस्तावित सीमा सुरक्षा गुल्म घेरा बारीका डिएसपी सुमन शर्मा र सशस्त्र प्रहरी बल नेपाल बोर्डर आउट पोस्ट केचनाका इन्स्पेक्टर ओकिल धानुक कारबाहीमा परेका हुन् ।
उनीहरूलाई तस्करीमा संलग्न रहेको आरोपमा कारबाहीस्वरूप सशस्त्र प्रहरी बल नेपाल वराह बाहिनी मुख्यालय सुनसरीमा तानिएका हुन् ।प्रहरीले कचनकवलस्थित लोदाबरी चोकमा मे १ ज २८०४ नम्बरको टाटा गाडीमा १ सय १५ कार्टुन स्याउ बरामद भएपछि सशस्त्र प्रहरी उपरीक्षक बिक्रम हुमागाईंको संयोजकत्वमा छानबनि समिति गठन भएको थियो । छानबिनका क्रममा शर्मा र धानुकको समेत संलग्नता देखिएपछि अनुसन्धानका लागि मुख्यालय तानिएको सशस्त्र प्रहरीका प्रहरी नायब महानिरीक्षक डीआईजी अञ्जनीकुमार पोखरेलले बताए ।
Advertisement 2
शर्माको ठाउँमा डिएसपी प्रभात गौतम र केचनामा इन्स्पेक्टर जितेन्द्रबहादुर बस्नेतलाई अस्थायी रूपमा जिम्मेवारी दिएर पठाइएको छ ।
