सुनसरी जिल्लाको भोक्राहा नरसिंह गाँउपालिका ८ स्थित सीमा ईलाकाबाट वैशाख १५ गते सशस्त्र प्रहरीले करिब ३ लाख ८ हजार ५ सय रुपैयाँ बराबरको लत्ताकपडा बरामद गरेको  छ ।

Advertisement 1

Advertisement 2

भारतबाट अबैध रुपले नेपालतर्फ साईकलमा राखी ल्याउँदै गरेको उल्लेखित मूल्य बराबरको लत्ताकपडा बिओपी उल्टीले बरामद गरेको हो ।

सशस्त्र प्रहरीलाई टाढैबाट देख्नासाथै सामान छाडी साईकल लिई ब्यक्ति  फरार भएका थिए ।  यसैगरी सुनसरी जिल्लाको देवानगंज गाँउपालिका ६ स्थित राजगंज सिनवारीबाट बैशाख १५ गते सशस्त्र प्रहरीले करीव १ लाख १६ हजार रुपैयाँ बराबरको लत्ताकपडा बरामद गरेको छ ।

भारतबाट अवैध रुपले मोटरसाईकलमा राखी नेपालतर्फ ल्याउँदै गरेको उक्त लत्ताकपडा प्रस्तावित सीमा सुरक्षा गुल्म कप्तानगंज (बिओपी कप्तानगंज)ले बरामद गरेको हो । मोटरसाईकल चालक भने सशस्त्र प्रहरीलाई देख्नासाथै सोही ठाउँमा सामान छाडी फरार भएका थिए ।