त्रिभुवन विश्वविद्यालयले स्वतन्त्र विद्यार्थी युनियन (स्ववियु) निर्वाचनको कार्यतालिका सार्वजनिक गरेको छ । कार्यतालिकाअनुसार समानुपातिक र प्रत्यक्षतर्फको उम्मेदवारी दर्ता फागुन २७ गतेलाई तोकिएको छ । विगत १४ वर्षदेखि नियमित हुन नसकेको स्ववियु निर्वाचन त्रिवि कार्यकारी परिषद्ले गत पुस २२ गते आगामी चैत ५ गते गर्ने निर्णय गरेको छ ।

Advertisement 1

तर, रोचक घटना भने स्थायी कर्मचारी नै उम्मेदवार बनेका छन् । ती उम्मेदवार हुन् अञ्जना अधिकारी जो बेनी अस्पतालपमा कार्यरत स्टाफ नर्स पाँचौँ तहकी स्थायी कर्मचारी हुन् । निजामती किताबखानाको कर्मचारी संकेत नम्बर २२२८४८ रहेकी उनी बिएन अध्ययनका लागि तलबी बिदामा नेपाल सरकारको छात्रवृत्तिअन्तर्गत हाल चिकित्सा शास्त्र अध्ययन संस्थान, पोखरा नर्सिङ क्याम्पसमा अध्ययनरत छिन् । सरकारी तलबसहित छात्रवृत्ति अध्यन बिदा पाएकी उनी नेकपा एमालेको भ्रातृसंस्था एमाले अखिलको तर्फबाट चैत्र ५ गते हुने स्ववियु निर्वाचनमा सभापतिको उम्मेदवार बनेकी छन् ।

यस्तै, अर्को उदार हो दिपिका धितालको । उनी रुकुम पूर्व जिल्ला अस्पतालमा कार्यरत स्थायी स्टाफ नर्स पाँचौँ तहकी हुन् । निजामती किताबखानाको क स नं २२१०२४ हो । उनी पनि तलबी अध्ययन बिदामा सरकारी छात्रवृत्तिअन्तर्गत बिएन अध्ययनको लागि चिकित्सा शास्त्र अध्ययन संस्थान पोखरामा छिन् । उनी अखिलको तर्फबाट चैत ५ गते हुने स्ववियु निर्वाचनमा कोषाध्यक्षको उम्मेदवार बनेकी छन् ।

Advertisement 2