छात्रवृत्ति दिएर लोकसेवा पढाउँदै स्थानीय सरकार
शे फोक्सुण्डो गाउँपालिका,डोल्पाले माथिल्लो तहमा अध्ययनरत विद्यार्थीलाई छात्रवृत्ति दिएर लोकसेवा पढाउने भएको छ ।
Advertisement 1
पालिकाको प्रमुख प्रशासकीय अधिकृत केशवराज शर्माद्धारा जारी सूचनामा गाउँपालिकाको आर्थिक बर्ष ७९ ८० को स्वीकृत कार्यक्रम अनुसार,गाउँपालिकामा स्थायी रुपमा बसोबास गरिरहेका र कक्षा १२ मा साधारण वा प्राविधिक विषय लिई उत्तीर्ण गरेकालाई निजामती सेवामा प्रवेश गराउन गाउँपालिका कोषबाट छात्रवृत्ति दिएर लोकसेवा पढाउने लागिएको जनाइएको छ ।
पालिकाले एसएसलसी,एसईई वा दश जोड दुई अध्ययन पूरा गरेका विद्यार्थीहरु,जो निजामती सेवामा प्रवेश गर्ने चाहना भएर पनि आर्थिक अभावले पढ्न सकेका छैनन् । विशेष गरी दलित,द्धन्द पीडित, अपाङ्ग, गरिबिको चपेटामा परेका, पिछडिएको, सहिद परिवारमा लोपोन्मुख आदिवासि जनजाति तथा विपन्न लक्षित वर्गलाई यो छात्रवृत्ति प्रदान गर्ने लागिएको पालिकाद्धारा जारी सूचनामा उल्लेख गरिएको छ ।
Advertisement 2
सूचना प्रकाशन भएको १५ दिन भित्र इच्छुक उमेद्धारले एसएलसी वा एसईई तथा दश जोड दुई उतिर्ण गरेको प्रमाण पत्र, शे फोक्सुण्डो गाउँपालिकामा स्थायी बसोबास गरेको प्रमाण पत्र, अपाङ्गको हकमा अपाङ्गपरिचय पत्र, सहिद परिवारको हकमा सरकारले प्रदान गरेको प्रमाण पत्र र दलित तथा विपन्न विद्यार्थी विपन्नताको कारणले विद्यालय जान नसकेकाले छात्रवृत्ति उपलब्ध गराई दिन हुन भन्ने बिद्यालयको पत्र वा छात्रवृत्ति व्यवस्थापन समितिको निर्णय अनुसार पेश गर्न भनिएको छ ।
पालिकाले बर्षैनी बढीमा २७ जनालाई कार्यविधि अनुसार छात्रवृत्ति प्रदान गरिने जनाइएको छ ।
Advertisement 3
गाउँपालिकाको यस्तो कार्यको सबैले प्रशंसासमेत गरेका छन् ।
