नेकपा एकीकृत समाजवादीले एक पछि अर्काे जिल्लाबाट उम्मेद्धार सिफारिस गरेर पठाउने क्रम तिव्रतर गतिमा चलिरहेको छ । यसैबीच तनहुँ जिल्लाबाट नेकपा एकीकृत समाजवादीले संघ,प्रदेशतर्फका प्रत्यक्ष र समानुपातिक उम्मेद्धारको सूची केन्द्रमा पठाएको छ । तनहुँ जिल्ला कमिटीको बैठकले पार्टी पुनगर्ठन गर्दै अध्यक्षमा श्रीराम अचुकलाई मनोनयन गरेको छ ।
सो पार्टीको यस अघिका जिल्ला अध्यक्ष शंकर नारायण श्रेष्ठले बिदा लिएसँगै पार्टी पुनर्गठन गरिएको नेकपा एकीकृत समाजवादीका केन्द्रीय सदस्य शंकर पोखरेलले जानकारी दिनुभएको छ । उहाँका अनुसार संघतर्फका उम्मेद्धारमा क्षेत्र १ बाट प्रतापलाल श्रेष्ठ,पूर्वमन्त्री कृष्ण कुमार श्रेष्ठ र कलिला खानको नाम सिफारिस भएको छ । यस्तै दलितबाट बिष्णु खड्का र सिताराम घले परियारको नाम सिफारिस भएको छ । क्षेत्र नम्बर दुईबाट चित्र बहादुर थापा,शंकर पोखरेल र दुर्गा नेपालीको नाम सिफारिस भएको छ । जसमध्ये १ नम्बरबाट पूर्व मन्त्री किसान श्रेष्ठ र दुई नम्बरबाट शंकर पोखरेल मैदानमा उत्रदै छन् ।
प्रदेश सभा तर्फ क्षेत्र १ (क)बाट विद्यानाथ ढकाल, लाल बहादुर श्रेष्ठ, रामकला पौडेल र कल्पना नेपालीको नाम सिफारिस हुँदा क्षेत्र १ (ख)बाट मनमाया श्रेष्ठ, श्रीराम कार्की, गजेन्द्र पन्थ, तेज बहादुर विकको नाम सिफारिस भएको छ । यस्तै प्रदेश सभा तर्फ नै क्षेत्र नम्बर २ (क)बाट रेखा थापा बस्याल, कमल गैह्रे, थमन आले र सानुमाया नेपालीको नाम सिफारिस भएको छ भने क्षेत्र नम्बर २ (ख) बाट भक्त रसाइली,पुर्ण बहादुर थापा,काजिमान श्रेष्ठ, भुपाल थापा, मधुमाया ढकाल र सुर्य प्रसाद तिमल्सेनाको नाम सिफारिस भएको एकीकृत समाजवादी तनहुँले जनाएको छ ।