नासुहरुको आन्दोलनलाई ५ वटै कर्मचारी संगठनको साथ,आजै ४ बजे वृहत्त प्रदर्शन
राजपत्रअनंकित प्रथम श्रेणीका कर्मचारीहरू (नायब सुब्बा) हरूको आन्दोलनलाई कर्मचारी ट्रेड युनियनले पनि साथ दिने भएका छन । असमान तलबमानको विरोध र निजामती विद्येयकमा आफ्ना मागहरु सम्बोधन हुनुपर्ने माग राखेर नायब सुब्बा तहका कर्मचारीहरु गत सोमबारदेखि आन्दोलनमा उत्रिरहेका छन् । निजामती सेवामा नासु बचाउ अभियानले आन्दोलनको नेतृत्व गरिरहेको छ । सोमबार पेन डाउन गरेर विद्रोह शुरु गरेका नायब सुब्बाहरुले मंगलबार बिदामा बसेका थिए । उनीहरुले आज माइतीघरमा बृतप्रदर्शन गर्न लागेका हुन ।
Advertisement 1
नासु तहका कर्मचारीले शुरु गरेको यो आन्दोलनलाई पाँचवटै ट्रेड युनियनले साथ दिने भएको छ । आज पाँच वटै कर्मचारी संगठन र नासुहरु मिलेर माइतीघर मण्डलामा धर्ना दिने निर्णय भएका हुन ।
सरकारले बजेट भाषणमा घोषणा गरेको भन्दा ठीकविपरीत असमान ढंगले तलब वृद्धिगर्नलागेकोमा असन्तुष्टि जनाउँदै आएका उनीहरूले अब निजामती सेवा ऐनको विषयमा माइतीघरमा शक्ति प्रदर्शन गर्न लागेका हुन । आज साँझ ४ बजे माइतीघर मण्डलामा बृहत्त प्रदर्शन गर्न लागेका हुन ।
