अख्तियार दुरुपयोग अनुसन्धान आयोगले आन्तरिक राजश्व कार्यालय, बालाजुमा छापा मारेको छ । त्यहाँ छापा मार्दा कम्प्युटर अपरेटर राजन शर्मा ४३ हजार घुससहित पक्राउ परेका छन् । अख्तियार दुरुपयोग अनुसन्धान आयोगले उनलाई कार्यालयबाटै पक्राउ गरेको हो । टिमुर किचन रेष्टुरेन्ट ढुङ्गेधारा, बनस्थलीका संचालक सन्तोष थापा मगरसँग उनले घुस लिएका थिए । घुस दिने मगरलाई समेत पक्राउ गरिएको आयोगले जनाएको छ । कर घटाइनेदिने भन्दै घुस लेनदेन भएको थियो ।