निजामती कर्मचारीले सर्वसाधारणसँग सम्बन्धित कागजातलाई पढ्ने बहानामा फाइल र सम्बन्धित कागजातलाई घण्टौं रोक्छन् । कतिपय अवस्थामा केही दिन नै रोक्ने गरेको पाइन्छ । तर, मुश्किलले आधा पृष्ठको सूचनामा लेखिएको व्यहोरा नपढी सही धस्काएपछि गृह मन्त्रालयका सहसचिव अर्को हाँसोको पात्र बनेका हुन् ।

Advertisement 1

सरकारी सूचनामा लेखिएका भाषा प्रष्ट लेख्नै नहुने जस्तो गरिन्छ । ठ्याक्कै भन्न खोजिएको विषयलाई सोझो अर्थ लाग्ने गरि लेखिँदैन । त्यसैले कतिपय सरकारी सूचना पढेपछि धेरैले सामाजिक सञ्जालमा ‘उदेक लागेर आएको’ भन्ने गरेका छन् ।

उनीहरुले कतिपय अवस्थामा, ‘न भाषा गतिलो, न भन्न खोजेका कुरा बुझ्ने गरि लेखिएका छन्, कत्रो हतार सूचना टाँस्न रु’ भनेर समेत सोधनी गरेको देखिन्छ । हिजो प्रकाशित आइतबारे बिदा हटाइएको सम्बन्धमा लेखिएको बुँदा नम्बर १ को भाषाले आइतबारको बिदा जेठ १ गतेदेखि लागु भएको अर्थ लाग्न गएको छ ।

Advertisement 2

उक्त बुँदामा परीक्षणको रुपमा संवत् २०७९ साल जेठ १ गतेदेखि लागु हुनेगरि भनिएको ठाउँमा २०७९ जेठ १ गतेदेखि लागु भएको भन्ने शव्द हुनुपर्थ्यो ।

यस्तै कमजोरी हिजो गृह मन्त्रालयले जारी गरेको बिदाको सूचनामा अरु पनि पाइएको छ । प्रवक्ता फणिन्द्रमणि पोखरेलले दस्तखत गर्नुअघि आफ्नै ओहोदाको पनि ख्याल गरेको पाइएन । सहसचिव लेखिनुपर्ने पदमा सहसचि मात्र उल्लेख छ तर पनि पोखरेलले दस्तखत गरेका हुन् ।

त्यसैगरि सूचनामा आइतबार लेखिनुपर्नेमा आतबार भएको छ । आफ्नो पदमा ‘व’ र बारमा ‘इ’ छुटेको नहेरी सरकारी सूचना त्यो पनि गृह मन्त्रालयबाट जारी हुनुलाई के भन्ने ? एक महिनामै बिदा हटेको तोडमा कर्मचारीले दोहोर्याएर कागजात पढ्न छाडेको भनेर लागेको आरोपलाई कसरी होइन भन्ने ?