अधिकृत पदबाट राजीनामा दिएर बनेपा नगरपालिकाबाट मेयरमा उम्मेदवारी दिएका कञ्चनराज गिरीलाई जमानत जोगाउनै धौ धौ परेको छ । स्वतन्त्र तर्फबाट तर्फबाट मेयर पदको उम्मेदवार बनेका गिरीले हालसम्म जम्मा १२५ मत पाएका छन् ।
निर्वाचन आयोगका अनुसार त्यहाँबाट मेयरका नेपाली काँग्रेसका शान्ति रत्‍न शाक्यले ५९४६ मत पाएका छन् । यस्तै एमालेबाट मेयरका उम्मेद्धार बनेका रत्‍न कुश रंजितकारले ५२४२ ल्याएर शाक्यलाई पछ्याइरहेका छन् ।
यस्तो तेश्रो पोजिसनमा छन् राप्रपाका तर्फबाट मेयरका उम्मेद्धार बनेका रेमण्ड कर्मचार्य उनले २४९ मत ल्याउँदा स्वतन्त्र उम्मेद्धारका रुपमा चुनावी मैदानमा उत्रिएका गिरीले हालसम्म १२५ मत पाएका छन् ।
यस्तै पाँचौ स्थानमा छन् अर्काे स्वतन्त्र उम्मेद्धार राज कुमार बजगाई,धारो चुनाव चिन्ह लिएर मैदानमा निस्किएका उनले १०९ मत सहित गिरीलाई पछ्याइरहेका छन् ।
कञ्चनराज गिरी तिनै पात्र हुन,जस्ले २१ पटकसम्म लोकसेवा भिडेर असफलता झेलेका र २२ औं पटकमा अधिकृतमा नाम निकाल्न सफल भएका व्यक्ति हुन । उनले अन्तत ५ महिना पूरा नहुँदै सरकारी जागिरबाट राजीनामा ठोकेका छन् । गत कार्तिक ३० गते नियुक्ती पत्र बुझेर मंसिर १ गतेदेखि अधिकृतको रुपमा जिम्मेवारी सम्हालेका गिरीले चैत्र २४ गते पदबाट राजीनामा दिएर चुनावी मैदानमा होमिएका थिए । कालीगण्डकी ए जलविद्युत आयोजनामा प्रशासन प्रमुखको रूपमा कार्यरत रहेका गिरीले सरकारी जागिर खाएको ४ महिना २४ दिनमै राजीनामा दिएर उनले बनेपा नगरपालिकाबाट मेयरमा स्वतन्त्र उम्मेद्धारी दिएका थिए ।
स्थायी नियुक्ति लिनु अघि गिरीले झण्डै सात बर्ष निजामती निजामती कर्मचारी अस्पतालको प्रशासन सहायकका रुपमा काम गरे । प्रशासनको साघुँरो घेरा तोडेर राजनीतिको घेरा अलि फराकिला र ठूलो घेरामा काम गरौं भन्ने उदेश्यले आफूले राजीनामा दिएको बताउने गिरी ९ वर्षको मिहेनतले २२ औं प्रयासमा अधिकृत बनेँका थिए । अब उनको हातमा न त जागिर नै रह्यो न त उनी निर्वाचित नै हुन सके ।
काठमाडौंमा स्वतन्त्र उम्मेद्धार बालेन शाहले तहल्का पिट्दै गर्दा वनेपा नगरपालिकाबाट मेयर लड्नका लागि सरकारी जागिर छाडेका गिरीले भने जमानत समेत बचाउन नसक्ने स्थितीको नजिक पुगेका छन् ।