सङ्घीय मामिला तथा सामान्य प्रशासन मन्त्रालयले पछिल्लो तीन महिनाको अवधीको प्रगति विवरण सार्वजनिक गरेको छ । मन्त्रालयका विभिन्न शाखा तथा माहाशाखाहरुले माघदेखि चैत्र मसान्तसम्मको प्रगति विवरण सार्वजनिक गरेको हो । जसअनुसार,मन्त्रालयको बढुवा शाखाले यो बीचमा २२६ कर्मचारी बढुवा सिफारिस भएका छन् । जसमा राप विशिष्ठ श्रेणीतर्फका ६,राप द्धितीय श्रेणीका २०५ र राप तृतीय श्रेणीका १५ रहेका छन् । बढुवा शाखाका अनुसार प्रशासन सेवा ९०, लेखा परीक्षण ३०, इन्जिनियरिङ ७५, वन ४, शिक्षा ३ र सूचना प्रविधि निर्देशक एक जना गरी दुई सय १३ माग हुँदा दुई सय पाँच जना बढुवाका लागि सिफारिस भएका हुन । जस्का लागि १३१९ ले आवेदन दिएका थिए । यस्तै विभिन्न सेवाका गरी २७ जना उपसचिवको माग रहेकोमा १५ जना सिफारिस गरिएको छ । जस्मा ४३ जनाले आवेदन दिएका थिए ।

Advertisement 1

यस्तै स्थानीय तह कर्मचारी शाखाका अनुसार,यो ३ महिनाको अवधिमा उपसचिव तहका ४२ जना,शाखा अधिकृत १८७,नासु खरिदार ५ जनाको सरुवा गरेको छ । यस्तै मन्त्रालयले ८४ कर्मचारीलाई आर्थिक तथा प्रशासनिक जिम्मेवारी दिएको उल्लेख गरेको छ । मन्त्रालयका अनुसार,स्थानीय तहमा ४२ जना उपसचिव, १ सय ८७ शाखा अधिकृत र ५ नासु÷खरिदार सरुवा भएका हुन् ।

मन्त्रालयले तीन महिनाको अवधिमा लिखित जबाफ ६१ वटा,राय १८ वटा र आदेश कार्यन्वयनतर्फ २४ वटा गरी कूल १०३ वटा काम कानुन तथा फैसला कार्यन्वयन शाखाले गरेको मन्त्रालयले जनाएको छ ।
यस्तै आर्थिक प्रशासन शाखाले चालु आर्थिक बर्षको चैत्र मसान्तसम्ममा १ अर्ब १९ करोड ९६ लाख बेरुजु फस्र्यौट गरेको जनाएको छ । मन्त्रालयले यो अवधिमा प्रशासन सेवा,समूहीकरण तर्फको राप प्रथम विशष्टि श्रेणीको १ र नेपाल इञ्जिनियरिङ समूहतर्फबाट १ दरबन्दी थपिएको जनाइएको छ । चोभार सुख्खा बन्दरगाह भन्सार कार्यालयको ओएण्डएम स्वीकृत भएको जनाइएको छ । सडक विभाग अन्तरगत डिभिजन सडक कार्यालय सिन्धुली,ललितपुर,प्युठान,जनकपुर,चरिकोट,काठमाडौं,दाङ लगायतका कार्यालयहरुमा ओएण्डएम स्वीकृत भएको जनाइएको छ । यस्तै भूमि व्यवस्था तथा अभिलेख र नापी विभागका साथै संष्कृति पर्यटन तथा नागरिक उड्डयन मन्त्रालय अन्तरगतको पर्यटन विभागमा समेत संगठन संरचना र दरबन्दी स्वीकृत गरिएको जनाइएको छ ।