एकातिर नेपालकै सबैभन्दा पूरानो अस्पताल वीर अस्पताल नर्सिङ जनशक्तिको अभाव छ । भएका नर्सलाई चाहिँ कहिले खरिद इकाई त कहिले बेरुजु शाखाको प्रमुख बनाइने सिलसिला जारी छ । तिनै नर्सलाई कहिले खरिद र कहिले बेरुजु शाखामा लगिँदा बीर अस्पताल थला पर्न थालेको छ । मेडिकल माफियाहरुको इशारा अनुसार काम गर्ने वीरका खरिद र बेरुजु शाखाका कर्मचारीहरुको कारण वीर अस्पतालमा बेथिती झांगिदैं गएको कर्मचारीहरु सुनाउँछन ।

Advertisement 1

वीर अस्पतालको सुधारको दिशातिर अघि बढ्नै लाग्दा वीरका रैथाने मेडिकल माफियाहरु सक्रिय हुन थालेका छन् । बीर अस्पतालले सर्जिकल भवन सञ्चालन,दुवाकोट परियोजना शुरू, नयाँ नयाँ सेवा थप सहित सुधारउन्मुख हुदै लाग्दा वीरका रैथाने मेडिकल माफियाका ऐजेन्ट जस्लाई अस्पतालका धमिराका उपनामले चिनिँदै अएका छन् । ती समूह पुन सक्रिय हुन थालेका हुन ।

पूरानो यो समुहमा पुन अर्काे शाखा अधिकृत डमरू दाहाल थपिएका छन् । डमरु रोशी गाउँपालिका,काभेबाट भ्रष्टाचार काण्ड लागेर लखेटिएका हुन । वीर अस्पतालमा मेडिकल माफियाकै योजना अनुसार सिधै खरिद एकाईमा सरुवा भएर आएका हुन । उनै डमरु र भगवति थपलियाहरुको सक्रियतामा कोटेशन र उपकरण खरिदको फाइल कब्जा गरी आफु निकटसँग मंहगोमूल्यमा कोटेशनमा कमसल सामान भिडाउँदै आएको आरोप यो समूहमाथि लाग्दै आएको छ ।

Advertisement 2

यो समूहले मेडिकल, सर्जिकल,केमिकल, सरसफाइलगायत टेन्डर आफुनिकट ब्यापारीलाई पार्ने र अनियमितता गर्दै आइरहेको कर्मचारीहरु सुनाउँछन् । वीर अस्पताल स्रोतका अनुसार,यी विभिन्न टेन्डर आह्वानहरु गर्नु अघि नै ब्यापारीसँग बाहिर होटलमा बसेर लागत अनुमान बनाउने र उनीहरुकै स्पशिफिकेसन अनुसार टेन्डर निकाल्ने र महंगोमा टेन्डर हाल्न लगाई गुणस्तरहीन सामाग्री अस्पताल भित्र्याउने गर्दै आएका छन् ।

अस्पतालमा मा १० बटा जम्मा ५ करोड को ओटी लाइटको टेण्डर आह्वान गरेको थियो सो टेन्डर आह्वान अगाडि अस्पताल ले स्पेक बनाउन डमरूकै योजनामा युरोलोजी विभागका डा अनिल श्रेष्ठलाई जिम्मा दिइएको थियो उनले स्पेफिकेशन बनाउदा कमिसन दिने अलाइन्सी फर्मलाई मात्र हुने गरी टेन्डर पाउने गरी स्पेशिफिकेसन बनाएपछी हाल सर्जिकल उपकरण बजारमा बिवाद शुरू भएको छ ।

अन्य ब्यापारीहरुले आफूहरूलाई टेन्डर फाराम भर्न नपाउने गरी स्पेफिकेशन बनाएको भन्दै डा अनिल,डमरु दाहाल र मुख्य खेलाडी भगवती थपलियाविरुद्ध अख्तियार,स्वास्थ्य मन्त्रालय, सम्पति शुद्धीकरण, र सार्वजनिक खरिद अनुगमन कार्यालयमा उजुरी दर्ज गराएका छन् । यस्का अलवा अस्पतालले प्रि बिड मिटिङ राखेर सबै ब्यापारी को राय समेत बुझेको थियो सो मिटिङको सुझाब विपरीत डा अनिल र डमरुले पुन आफ्नै फर्म लाई हुने गरी केही बुँदा थप गरे पछी अस्पताल को टेन्डर झनै बिवादित बन्न पुगेको छ ।
युरोलोजी विभागको ४ करोडको सामामा समेत डा अनिल र खरिद एकाईका शाखा अधिकृत डमरु दाहालले टेन्डर हुनु भन्दा पहिले नै ब्यापारीसँग कमिसन लिदै होटल होटल मा गएर स्पेसिफिकेसन बनाएर पुर्व खरिद प्रमुख भगवती थपलियामार्फत अस्पताल प्रशासनलाई दवाव दिई सोही अनुसार टेन्डर आह्वान गर्न गरेको आरोप छ ।
यता डा अनिलले वीर अस्पतालको युरोलोजी विभागमा आउने विरामीलाई अस्पतालमा वेड छैन भन्दै आफू कार्यरत बी एन्डबी ,मेडिसिटी लगायत अस्पतालमा बोलाएर लाखौ रकम लिएर अप्रेशन गर्ने गरेका छन् ।
नर्स अस्पताल भगवती थपलिया खरिद एकाईबाट हटे पनि माफियाकै योजनामा वीर अस्पताल बेरूजु शाखा प्रमुख भएकी छन अस्पतालमा नर्सिङ कर्मचारी अभाव भैरहदा नर्स भगवती किन बेरुजुमा ? अस्पतालको लेखा स्रोत भन्छ, ५ बर्ष खरिद एकाई प्रमुख भएकी भगवती आफ्नो पालामा भएको भष्टाचार र बेरूजुको फाइल मिलाउन त्यहाँ गएकी हुन । उनको पालामा भएको कोटेशन र टेन्डर समन्धमा स्वास्थ्य मन्त्रालय र सर्तकता केन्द्रले छानबिन गरिरहेको छ ।