बतास समुहले पशुपति धर्मशालामा पर्यटन मन्त्रीको योजनामा पशुपति विकास कोषका सदस्यहरुले बितण्डा मच्चाएको आरोप लगाएको छ। सोमबार एक प्रेस बिज्ञप्ति जारि गर्दै पर्यटन मन्त्रीले गैर कानुनी तथा स्थापित विधि, विधान, ऐन, नियम र प्रचलन विपरीत हुने खालका असामान्य हर्कत समेत हुँदै आएको जनाएको हो।

Advertisement 1

बतास समुहले उच्च अदालत पाटनमा हालेको पशुपति क्षेत्र विकास कोष लगायत बिरुद्धको मुद्दामा दुवै पक्ष झिकाई छलफल गर्न अदालतले तोकेकै दिन आज चैत्र २१ गते बतासले आफु माथि लाग्दै आएका आरोपहरुको बुँदागत रुपमा खण्डन गर्दै बिज्ञप्ति सार्वजनिक गरेको हो।
के थियो घटना ?
होटल आनन्दका जनरल म्यानेजर जेपी पोखरेलले का अनुसार १७ गते बिहान ११ बजे एकजना कर्मचारीलाई पत्र बुझाउन पठाउनु भएको थियो, हामीले त्यो पत्र बुझेनौं, त्यसपछि २०(२५ मिनेटपछि सदस्यसचिव र कोषाध्यक्षसहितको टोली धर्मशाला आइपुग्यो,’ पोखरेलले न्युज कारखानासँग भने, ‘पत्र बुझाउने भए बतास समूहको हेडक्वाटर ९नक्साल० मा नै बुझाउनु । हामीले बुझन मिल्दैन भन्यौं, पत्र नबुझे ताला लगाउने चेतावनी दिनुभयो ।’ उनका अनुसार पत्र बुझ्ने र ताला लगाउने विषयमा बिहान ११ बजेदेखि राति करिब ११ बजेसम्म कोषका पदाधिकारी र होटलका कर्मचारीबीचमा लफडाबाजी चलिरह्यो ।

‘अदालतमा मुद्दा चलिरहेको छ, मुद्दाको छिनोफानो नभएसम्म सम्झौता करार भंग गरेको पत्र बुझ्न मिल्दैन, यदी तपाईंहरु जर्बजस्ती गर्नुहुन्छ भने हामी पनि वकिल बोलाएर कुराकानी गर्छौंै भने पछि उहाँहरु हच्किनु भयो,’ पोखरेलले अगाडि भने, ‘उहाँहरु त्यो दिन धर्मशालामा ताला लगाउने उद्देश्यसहित आउनु भएको थियो, कोषका सुरक्षाकर्मी र सादा पोशाकका प्रहरी पनि लिएर उहाँहरुले उर्तानु भएको थियो, पछि ४ बजेतिर त प्रहरीको ट्रकसमेत उतारेर धर्मशालमा त्रासको वातावरण सिर्जना गराइदिए ।’ धर्मशालामा करिब ४ दर्जन भारतीय दर्शनाथीहरु थिए, दिनभरी लफडाबाजी भएपछि उनीहरूले भारतीय राजदुतावासमा खबर गरेर सुरक्षाका लागि आग्रहसमेत गरे ।

Advertisement 2

राष्ट्रिय टेलिभिजन र केही युट्युबरसहित बोकेर आएका कोषका पदाधिकारीले दिनभर धर्मशालामा नै बिताए । ‘त्यो दिन यस्तो त्रासको बातावरण सिर्जना गरियो कि हामीले गौशाला प्रहरीलाई निवेदन दिएर सुरक्षाका लागि आग्रह गर्ने अवस्था आयो ।’

कोषका पदाधिकारी र होटलका कर्मचारी बीचमा लफडा चलिरहेका बेला उच्च अदालत पाटनले अपरान्ह ४ः३० मा एउटा आदेश दियो, छलफलका लागि २१ गते सोमबार अदालतमा आउनू । ‘उहाँहरु तालाबन्दी गर्ने मुडमा भइरहेको बेला अदालतको आदेश आयो, दुवै पक्ष २१ गते अदालतमा आउनू । सोबारेमा मैले जानकारी गराएँ । तर, उहाँहरुले मान्नु भएन,’ पोखरेलले अगाडि भने, ‘अदालतमा के के फैसाला भयो रु के– के आदेश भयो हामीलाई थाहा छैन, पत्र अहिलेसम्म आएको छैन भनेर उहाँहरूले तर्क गर्नुभयो, मैल भने– पत्र धर्मशालामा आउने होइन, पत्र कोषको कार्यालयमा आउने हो, यहाँ बसेर कसरी पत्र आएको थाहा पाउनुहुन्छ ।’

तर, पनि कोषका पदाधिकारी ‘करार सम्झौता भंग भएको’ पत्र बुझाउने र सो पत्र बुझेलगत्तै तालाबन्दी गर्ने भन्ने सोचका साथ धर्मशालामा अड्डी लिएर बसे । त्यसो त होटलका कर्मचारीले पत्र बुझ्न नमानेपछि स्थानीय जनप्रतिनिधिलाई कोषका अधिकारीले साक्षी बस्न बोलाए । तर, कोही पनि साक्षी बस्न आएनन् । काठमाडौं महानगरपालिका–८ का वडा अध्यक्ष दिनेश डंगोललाई पनि साक्षी किनाराका लागि बोलाइएको थियो । तर, उनी गएनन् ।