हिमालयन हाइड्रो एक्स्पोको समय तालिका परिवर्तन
हिमालयन हाइड्रो एक्स्पोको तेस्रो संस्करणको निर्धारित समय तालिका परिवर्तन भएको छ । यसअघि चैत्र १८ अर्थात शुक्रबारदेखि २० गतेसम्मलाई तय गरिएको एक्स्पो चैत्र १९ गते अर्थात आउँदो शनिवार एक दिन मात्रै हुने भएको हो ।
Advertisement 1
बिहिबार काठमाडौंमा स्वतन्त्र उर्जा उत्पादनहरुको संस्था नेपाल (इप्पान) र एक्स्पो एण्ड इभेन्ट म्यानेजमेन्ट सर्भिस प्रालिले संयुक्त रुपमा पत्रकार सम्मेलन गरी चैत्र १८ गते भोली घोडेजात्रा परेको र कार्यक्रम स्थल भृकुटीमण्डप वरपर सुरक्षा निकायले यातायातका साधन प्रवेशमा नियन्त्रण तथा व्यवस्थापन गर्ने देखिएकोले यस अघि तय गरिएको मिति परिवर्तन गरेको जनाएको छ ।
पत्रकार सम्मेलनमा इप्पानका उपाध्यक्ष मोहन कुमार डाँगीले एक्स्पोको सम्पूर्ण तयारी पूरा भएको जानकारी गराउँदै यसअघिको समय परिवर्तन गरी शनिवार एक दिनका लागि मात्रै एक्स्पो आयोजना गर्न लागिएको जानकारी दिए ।
Advertisement 2
उनले एक्स्पोमा ५० हजारभन्दा बढी सर्वसाधारणले अवलोकन गर्ने पनि जानकारी दिए ।
