आगामी वैशाख ३० गते हुन लागेको स्थानीय तहको चुनावलाई लक्षित गर्दै जिल्ला प्रशासन कार्यालय, रसुवाले आफूसँग भएका हातहतियार प्रहरी कार्यालयमा बुझाउन सर्वसाधारणलाई आग्रह गरेको छ ।

Advertisement 1

प्रशासनले निर्वाचनलाई शान्तिपूर्ण र भयरहित तवरबाट सम्पन्न गर्न इजाजतप्राप्त हातहतियारसमेत प्रहरीलाई बुझाउन भनेको हो । जिल्ला प्रशासन कार्यालय रसुवाका प्रमुख जिल्ला अधिकारी नवराज जैसीले एक सूचना जारी गर्दै इजाजत लिई राखिएका हतियार बुझाउन आग्रह गरेका हुन् ।

सूचनामा ०७८ चैत्र मसान्तभित्रै हतियार बुझाउन आग्रह गरिएको छ । तोकिएको समयमा हतियार नबुझाएमा कानुन बमोजिम गरिने जनाइएको छ । निर्धारित समयभित्र नबुझाई अटेर गरी बसेको पाइएमा त्यस्ता व्यक्तिको हतियार खोजतलास गरी कानूनबमोजिम कारवाही प्रक्रिया अघि बढाइने जिल्ला प्रशासनको सूचनामा उल्लेख छ ।

Advertisement 2