अबको महिना दिनभित्रैमा कर्मचारी सरुवा बढुवाको काम गरिसक्न सरकारलाई आयोगको निर्देशन
निर्वाचन आयोगले अबको महिना दिनभित्रैमा कर्मचारी सरुवा वा बढुवाको काम गरिसक्न सरकारलाई निर्देशन दिएको छ । आयोगले आगामी वैशाख ३० गते तोकिएको स्थानीय तहको निर्वाचनलाई लक्षित गर्दै चैत्र १५ गतेभित्रै कर्मचारीको सरुवा बढुवाको काम गरिसक्न सरकारलाई निर्देशन दिएको छ ।
Advertisement 1
आयोगले सरकारलाई दिइएको विभिन्न २४ बुँदे निर्देशनमा निर्वाचनका लागि आवश्यक पर्ने कर्मचारीदेखि अन्य कतै सरुवा गर्नुपर्ने, खटाउनु पर्ने भए सबै काम चैत १५ गते सम्ममा सम्पन्न गरिसक्न निर्देशन दिएको हो ।
आयोगले आगामी चैत १५ गते अगावै सङ्घ, प्रदेश र स्थानीय तहमा कामकाज लागि खटिएका कर्मचारीलाई पदाधिकारी रहेकै कार्यालयमा फिर्ता गर्ने र यस्तो स्थानमा स्वीकृत दरबन्दीको पद र तह अनुसारको कर्मचारी सरुवा पदस्थापन गरी सक्न भनेको छ । आगामी चैत १५ गते अगावै सङ्घ, प्रदेश र स्थानीय तहमा स्वीकृत दरबन्दीको तह र पद/नाम बमोजिम सरुवा पदस्थापन भएका कर्मचारीको स्थानीय तहको निर्वाचन सम्पन्न नभएसम्म अन्यत्र काज तथा सरुवा नगर्न पनि सरकारलाई भनिएको छ ।
Advertisement 2
आयोगको आज (सोमबार) बसेको बैठकले सरकारलाई यस्तो निर्देशन दिएको हो।
