आईपीएलले सार्वजनिक गरेको अक्सनको सूचीमा नेपालबाट १५ खेलाडीले नाम दर्ता गरेको जनाएको छ ।

Advertisement 1

आईपीएल २०२२ को प्लेअर अक्सनका लागि कुल १२१४ खेलाडीले नाम दर्ता गराएको र त्यसमा नेपालबाट १५ खेलाडी रहेको बीसीसीआईले जनाएको छ ।

खेलाडी दर्ताका लागि २० जनवरीसम्मको समयसिमा तोकिएको थियो । जसमा भारतीय ८९६ र विदेशी ३१८ खेलाडीले नाम दर्ता गराएका हुन् ।

Advertisement 2

आगामी फेब्रुअरी १२ र १३ मा बेंगलुरुमा हुने मेगा अक्सनबाट १० टिमले खेलाडीहरू छनोट गर्नेछन् ।

नेपालबाट कुन कुन खेलाडीले नाम दर्ता गरेको भन्ने खुलाइएको छैन । आइपीएलको आधिकारिक वेबसाइटमा कुन देशका कति खेलाडीले नाम दर्ता गरेको जनाएको छ ।

आईपीएलमा हरेक टिमले बढीमा २५ जनासम्म टिममा राख्न पाउनेछन् । अक्सनबाट बढीमा २१७ खेलाडी मात्र छनोट हुने बीसीसीआईले विज्ञप्तिमार्फत जनाएको छ ।

अक्सनअघि यसअघि खेल्दै आएका ८ टीमले बढीमा ४ जनासम्म खेलाडी रिटेन गरिसकेका छन् । यस्तै दुई नयाँ टिम लखनउ र अहमदाबादले तीनरतीन खेलाडी छनोट गरेका छन् ।