फागुन १३ गते चलचित्र ‘प्रेमगीत ३’ रिलिज हुने भएको छ । यो चलचित्रले बक्स अफिसमा बम्पर कारोबार गर्ने प्रदर्शक र वितरकहरूको अनुमान छ । यो चलचित्रबाट नेपाली रजतपटमा नवनायिका कृष्टिना गुरुङले अभिनय गरेकी छन, उनी अडिसनबाट यो चलचित्रका लागि छानिएकी हुन् ।

Advertisement 1

तर, चलचित्र रिलिजका लागि तयार भएकै बेला विश्वमा कोरोना महामारी सुरु भयो र दर्शकमाझ आउन पाएन । प्रदर्शन मिति तोकेर प्रचारमा गइसकेको चलचित्र अन्तिम समयमा प्रदर्शन हुन नपाउँदा निर्माताको बजेट त बढ्यो नै, नवनायिका कृष्टिनाले पनि दुई वर्षसम्म आफ्नो काम देखाउन पाइनन् ।

‘प्रेमगीत ३’ले बक्स अफिसमा गर्ने व्यापारसँगै कृष्टिनाको कामको पनि चर्चा हुन थाल्नेछ । यो ब्यानरले नायिका पूजा शर्मा र नायक प्रदीप खड्कालाई चलचित्र क्षेत्रमा स्थापित गरिसकेको छ । तर, ‘प्रेमगीत २’ हिट भए पनि यसकी नायिका अश्लेषा ठकुरी भने त्यसपछि केही चलचित्रमा काम गरेर अहिले पलायनजस्तै भएकी छन् ।