यी हुन् बसपार्कमा दुई बच्चाकी आमा बलात्कार गर्ने ९ जना, त्यस रात के भएको थियो ?

काठमाडौंको गोंगबु बसपार्कमा एक ३४ वर्षीया महिलालाई सामूहिक बलात्कार गर्ने ९ जना सबै पक्राउ परेका छन्। पक्राउ पर्नेमा युवराज बडुवाल, हिक्मत नेपाली, मुगु घर भएका रतन नेपाली, सुरेश सेजुवाल, दीपक नेपाली, शिवहरी बुढा, अर्घाखाँची घर भएका गोपालकुमार श्रीस, मुगुका हस्त नेपाली र चन्द्र साउद छन् ।

Advertisement 1

पति भारत गएर सम्पर्कबिहीन भएपछि पीडित २ सन्तानकी एकल आमा कामको खोजीमा सुर्खेतबाट काठमाँण्डौँ आएकी हुन्। आएकै दिन उनी बडुवालसहित २ जनाबाट र भोलिपल्ट ७ जनाबाट बलात्कृत भएकि थिइन्।सुर्खेतबाट आएकी ति महिलाका लागि काठमाडौं शहर नौलो थियो । यही शहरमा उनको पुस १२ गते राति अस्मिता लुटिएको हो । पुस १२ गते बिहान काठमाडौं पुगेकी उनी नयाँ बसपार्कस्थित एक गेष्ट हाउसमा बसिन् । सोही दिन साँझदेखि पुस १३ गते बिहानसम्म उनलाई नौ जना पुरूषले सामूहिक बलात्कार गरेका हुन् ।

महानगरीय प्रहरी परिसर काठमाडौंका एसएसपी सुदीप गिरीले यसबारे थप नयाँ खुलासा गरे । प्रहरीलाई हिजो ३ बजेतिर उक्त घटनाबारे जानकारी आएको थियो । पीडित महिला नयाँ बसपार्कमा रहेको प्रहरी वित्तमा सम्पर्कमा गइन् । त्यसपछि उनको मानसिक र शारीरिक अवस्थालाई ख्याल राख्दै अस्पताल पुर्याएको उनले जानकारी गराए । प्रसूतिगृहमा ति महिलाको उपचार गरिएको हो । त्यसपछि डाक्टरको अनुमति सोधपुछ गरिएको गिरीले उल्लेख गरे ।

Advertisement 2

काठमाडौंमा पहिलो पटक आएकी उनले खालि बसपार्क–बसपार्क मात्र भन्ने गरेकी थिइन् । उनले बसपार्क भनेपछि प्रहरीले सोही अनुसारमा अनुसन्धान थाल्यो । प्रहरीले नयाँ बसपार्कको १२–१५ वटा होटल र लजलाई ‘टारगेट’ ग¥यो ।टारगेट गरेको होटलमध्ये एउटा होटलमा घटना भएको पत्ता लाग्यो । अनुसन्धानका लागि सिसिटिभी फुटेज परीक्षण गरियो । राति अबेरसम्म अनुसन्धान गरी केही व्यक्ति पक्राउ परे र आरोपित पहिचान गर्न पीडित महिलाले पनि सहयोग गरिन् ।

पक्राउ परेका व्यक्तिहरुले आफ्नो आरोप स्वीकार गरिसकेका छन् । मङ्गलबार रातिसम्म सामूहिक बलात्कारमा नौ जनाको संलग्नता देखिएको छ । नौ जनामध्ये सात जना हिजो साँझै पक्राउ परेका थिए । पीडितको अवस्था हिजोको भन्दा सामान्य छ ।प्रहरीसँगको बयानमा आरोपित सबैले वैदेशिक रोजगारमा जाने तयारी गरिरहेको बताएका छन् । पक्राउ पर्नेमा कोही पासपोर्ट बनाउन आएका, कोहीले पासपोर्ट मेनपावरमा बुझाएका, कोहीको भिसा लागिसकेको र कोही भिसा लागेर उड्न लागेका व्यक्ति छन् ।

प्रकाशित :२०७८ पुष १७, शनिबार १७:४३

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry