युवा तथा खेलकुदमन्त्री महेश्वराज गहतराजले खेलाडीका भावनालाई समेटेर नेपालको खेल क्षेत्रलाई नयाँ जीवन दिन प्रभावकारी प्रयत्न गरिने बताउनुभएको छ । अन्तर्राष्टिय पदक विजेता खेलाडी र राष्ट्रिय टिमका खेलाडीसँगको अन्तक्र्रियामा उहाँले खेलाडीले पनि नतिजा प्राप्तिका लागि तनावरहित वातावरणमा खेल्ने आधार तयार गर्न आवश्यक रहेको धारणा राख्नुभयो ।

Advertisement 1

मन्त्री गहतराजले भन्नुभयो, “मनोबल, पूर्वाधार र व्यवस्थापन ठीक भएमा नेपाली खेलाडी संसारमै अब्बल सावित हुनेछन्, अब राम्रो व्यवस्थापन हामी गर्छांै, ओलम्पिकमा पदक ल्याउन आँट गर्नुस् ।” उहाँले ठूलो सङ्घर्ष, मेहनत र अभ्यासबाट अन्तर्राष्ट्रिय क्षेत्रमा आफ्नो पहिचान र देशको शान बढाउने खेलाडीप्रति धन्यवाद ज्ञापन गर्दै उहाँले प्रशिक्षण, तयारी र व्यवस्थापनमा देखिने गरी सुधार ल्याउने विश्वास दिलाउनुभयो ।

मन्त्रालयका सचिव डा दामोदरप्रसाद रेग्मीले मुलुकको पहिचानका रुपमा रहेका खेलाडीको जीवनस्तरमा सुधार ल्याउन मन्त्रालयले खेलाडीमैत्री कानूनतर्जुमा गर्ने कार्यलाई प्राथमिकता दिने बताउनुभयो ।

Advertisement 2

उहाँले भन्नुभयो, “धेरै खेलाडीको नाम लेखेर वा लेख्न नसकेर हामीमध्ये कयौँ लोकसेवा पास र फेल भएका छौं तिनै खेलाडीको भावनालाई सम्बोधन गर्न हामी सबैको सहयोग र प्रयत्न आवश्यक छ । खेल क्षेत्रमा अब नयाँ आयाम ल्याइने छ ।”

कार्यक्रममा नेपाली सेना, नेपाल प्रहरी र सशस्त्र प्रहरी बल नेपाल तथा राष्ट्रिय खेलकुद परिषद्का तर्फबाट नेपालको खेलकुद क्षेत्रको इतिहास, विकास र विस्तारका लागि आ–आफ्नो संस्थाबाट भएको कार्यप्रगति र अपेक्षासहितका विषयवस्तु समेटिएको प्रस्तुतीकरण गरिएको थियो । विभागीय टोलीका रुपमा रहेका तीनवटै सुरक्षा फौजले नेपालको खेलकुद क्षेत्रमा हालसम्म प्राप्त नतिजाका आधारमा ९० प्रतिशत योगदान रहेको सो अवसरमा जानकारी दिइयो । विभागीय टिमका तर्फबाट पूर्वाधार, खेल सामग्री, प्रशिक्षण र प्रविधि र नियमित प्रतियोगिताको अभाव रहेको तथा खेलाडी छैनाँै, भर्ना र प्रशिक्षणमा समस्या देखिँदै आएकाले व्यापक सुधारको खाँचो औल्याइयो ।

प्रशिक्षक र खेलाडी तथा बजेट व्यवस्थापनमा पनि कठिनाई रहेको सो अवसरमा गुनासो गरियो । अन्तक्र्रियामा विभिन्न विधाका राष्ट्रिय तथा अन्तर्राष्ट्रिय खेलाडी कुशम खड्का, लक्ष्मण मल्ल, आयुषा शाक्य, सविना श्रेष्ठ, सन्तोषी श्रेष्ठलगायतले मुलुकका गुमनाम खेलाडीको पहिचान गर्न, खेलाडी संरक्षणमा ध्यान पु¥याउन, पलायन हुनबाट रोक्न तथा क्षमता र नतिजाका आधारमा प्रोत्साहनका कार्यक्रम ल्याउन सुझाव दिनुभयो ।

उहाँहरुले अनुशासन, समयको पालना र समूहमा मिलेर काम गर्न सिकाउने खेल विधालाई विद्यालय तहमा अतिरिक्त विषयका रुपमा नभई अनिवार्य र आधारभूत विषयका रुपमा पाठ्यक्रममा समेट्न सुझाव दिनुभयो । खेलाडीले सरकारले नतिजा मात्र होइन, प्रशिक्षण र खुराकको पाटोलाई पनि त्यतिकै ध्यान दिन जरुरी रहेको बताउँदै उहाँहरुले खेल सामग्री र भौतिक पूर्वाधारमा प्राथमिकताका आधारमा लगानी गर्न सुझाव दिनुभयो ।

मुलुकले हालसम्म विभिन्न खेल विधामा एक हजार ८०० को सङ्ख्यामा पदक प्राप्त गरेको तथ्याङ्क सो अवसरमा प्रस्तुत गरियो । मन्त्रालयका सहसचिव डा कमलप्रसाद पोखरेलले मन्त्रालयको वार्षिक स्वीकृत कार्यक्रममा १६० जना राष्ट्रिय तथा अन्तर्राष्ट्रिय पदक धारी खेलाडीसँग अन्तक्र्रिया गर्ने तय भएअनुरुप पहिलो कार्यक्रमको सुरुआत गरिएको जानकारी दिनुभयो । नेपालमा हाल ३५ विधाका खेलकुद प्रतियोगीता नियमतिरुपमा हुँदै आएको छ ।