भक्तपुरमा एमाले संगठित सदस्यको संख्या साढे ९ हजार
नेकपा (एमाले) १०औँ मंसिर १०-१२ चितवनमा हुने महाधिवेशनका लागि भक्तपुरमा पनि तयारी तीब्र छ ।
Advertisement 1
भक्तपुर जिल्लाबाट एमाले पार्टी संगठित सदस्यको संख्या ९ हजार ४ सय २७ रहेको एमालेले जानकारी दिएको छ । एमाले भक्तपुरका अध्यक्ष बचन देउजाका अनुसार निर्वाचन क्षेत्र नम्बर १ मा ३ हजार ३ सय ३४ र निर्वाचन क्षेत्र नम्बर २ मा ६ हजार ९३ जना संगठित सदस्य छन् ।
एमालेका अनुसार हरेक प्रतिनिधिसभा निर्वाचन क्षेत्रबाट १ हजार २ सय पार्टी संगठित सदस्यबाट कम्तिमा एक महिलासहित ३ जना महाधिवेशन प्रतिनिधिका रुपमा चुनिने छन् । जिल्ला र विशेष जिल्ला अन्तर्गत ५ सय सम्म दलित पार्टी सदस्य मध्येबाट निर्वाचित हुने १ जना प्रतिनिधि आउनेछन् । तीन प्रतिनिधिमध्ये एकजना महिला अनिवार्य हुने व्यवस्था गरिएको छ ।
Advertisement 2
केन्द्रीय सल्लाहकार परिषदबाट १५ जना र प्रदेश र सो सरहका कमिटीहरूबाट कम्तिमा २ महिलासहित ५ जनाका दरले प्रतिनिधि आउनेछन् । एमाले केन्द्रीय कार्यालयको अनुसार पार्टीको संगठित सदस्यको संख्या ७ लाख २८ हजार रहेको छ । ती सदस्यहरुबाट महाधिवेशनमा १ हजार ५ सय ५२ जना महाधिवेशन प्रतिनिधिको रुपमा चुनिएर आउने छन् ।
