शाहरुख खानका छोरा जेलमा रामायण पढ्दै
एजेन्सी । लागूपदार्थ सेवनको मुद्दामा पुर्पक्षका लागि आर्यन खान आर्थर रोड जेलमा बसिरहेका छन् । बलिउड सुपरस्टार शाहरुख खानका छोराले जेलमा विशेष सुविधा पाएका छैनन् र त्यहाँ उनी रामायण पढिरहेका छन् ।
Advertisement 1
जेल प्रशासनका अनुसार, खानलाई कारागार पुस्तकालयबाट पुस्तकहरू उपलब्ध गराइएको छ । उनले भगवान् राम र माता सीताको जीवनचरित्र अध्ययन गरिरहेका छन् । यसअघि खानले द लायन्स गेट नामक पुस्तक पढेका थिए ।
कैदीले चाहेको पुस्तक नातेदारहरूसँगबाट मगाउन पाउँछन् तर धार्मिक पुस्तक मात्र ल्याउन पाइन्छ । कैदीले जेलबाट रिहा हुने बेलामा पुस्तक छोड्न खोजेमा त्यसलाई पुस्तकालयमा राखिनेछ ।
Advertisement 2
आर्यन अन्य सामान्य कैदीहरू जस्तै बिहान ६ बजे उठ्छन् र ७ बजे ब्रेकफास्ट खान्छन् । १५ दिनअघि नार्कोटिक्स कन्ट्रोल ब्युरोले अन्य सातजनासँगै क्रुज जहाजमा लागूपदार्थ उपयोग गरिएको पार्टीमा पक्राउ गरेको थियो । उनीहरू एनसीबीको कस्टडीमा बसे । त्यसपछि उनीहरूलाई १४ दिनको न्यायिक हिरासतमा पठाइएको छ ।
