राजनीतिक नियुक्तिमा ओली र देउवाको कार्यकालमा फरक यति छ पहिला ‘यति,ओम्नी,सुरज वैद्य,विशाल पण्डित’लगायतले फाइदा उठाए अहिले त्यही ठाउँ लिदैंछन् ‘युलियन्स स्कूल’वालाले । जस्तो :- योजना आयोगको उपाध्यक्ष,सदस्य,विज्ञ तिनै जना युलियन्स स्कूलतिरैले पाएकै थिए त्यहीका प्रिन्सिपललाई राज्यले दिइने तक्माले विभूषित गरिएको छ ।
योजना आयोगको उपाध्यक्ष बनाइने आश्वासनका साथ अमेरिकाबाट नेपाल बोलाइएको डा शंकर शर्मालाई धोखा दिएर डा विश्व पौडेललाई उपाध्यक्ष बनाइयो फष्ट लेडीकै चलखेलमा । पौडेल युलियन्स ‘टस्टी मेम्मर’,आरजु राणा सोही स्कूलको चेयरमेन । यस्तै युलियन्सकै सिइओ अरनिको पाण्डेले योजना आयोगको विज्ञ सल्लाहकारका नियुक्ति भेटेका छन् ।
गत ३ असोजमा सोही स्कूलका प्रिन्सिपल मेदीनी लामिछानेले प्रवल जनसेवाश्री पदक भेटिसकेका छन् ।
अहिले प्रधानमन्त्री देउवाको काँधमा १७ वटा मन्त्रालय छ । ती मन्त्रालयका नियुक्ति,सरुवा बढुवामा फष्ट लेडी कसरी हाबी हुँदैछिन् भन्ने अर्काे उदाहरण हो हालै सरुवा भएका ८५ सहसचिव । सह सचिव सरुवा गर्ने निकाय हो, संघीय मामिला तथा सामान्य प्रशासन मन्त्रालय । गत ३० भदौंमा ८५ सहसचिव सरुवा गरिँदा सरुवाको सूची नै सिंहदरबार बाहिरैबाट बनेर आएको सामान्यका अधिकारीहरु सुनाउँछन् । दरबन्दी नै नभएका ठाउँमा केही सह सचिव पठाइएपछि अहिले सरुवा संशोधनको क्रम जोडतोडका साथ चल्दैछ । हुलाकमा कार्यरत आभा कर्णलाई श्रम,रोजगार मन्त्रालय अन्तरगत पठाइएकोमा उनको पति राजश्व सचिव कृष्णहरि पुष्करमार्फत सरुवा संशोधनको काम अघि बढिसकेको छ ।
यस्तै गृहमातहतको पञ्जीकरण विभागबाट सामाजिक विकास मन्त्रालय लुम्बिनी प्रदेशमा खटाइएका जितेन्द्र बस्नेतदेखि यस अघि तनहुँको सिडियो चलाईसकेका सागर आचार्यलाई गण्डकी प्रदेशको युवा तथा खेलकुद मन्त्रालयमा खटाइएसँगै आचार्यले सरुवा संशोधन हुनुपर्ने माग राखेका छन् । दरबन्दी नै नभएको र डिमोरलाइज हुने गरी सरुवा गरिएका एक दर्जन सह सचिवको सरुवा संशोधनको क्रम अघि बढेको संघीय मामिला तथा सामान्य प्रशासन स्रोतले  इकर्मचारी डटकमलाई जनाएको छ ।
उता संष्कृति,पर्यटन मन्त्रालय मातहतको पशुपति क्षेत्र विकास कोषको सदस्य सचिवको नियुक्ति भेटेका मिलन कुमार थापाले प्रधानमन्त्रीको सालो भूषण राणलाई प्रयोग गरेको चर्चा छ । मिलनविरुद्धको मुद्धा अख्तियारमा विचराधिन छ ।
सबैभन्दा भद्रगोल चाहिँ स्वास्थ्यको नियुक्तिमा देखिन्छ । त्यहाँ कनिष्ठहरुलाई टिप्दै एक पछि अर्काे नियुक्ति दिने प्रक्रिया अघि बढेपछि सिनियरहरुको मानमर्दन भएको टिप्पणी गर्दछन्,कर्मचारीहरु । ट्रमा सेन्टरमा आरजुकै जिल्लाबासी कैलालीकै डा प्रदीप जोशीलाई मेडिकल सुपरिटेण्ड भेटिसकेका छन् । स्वास्थ्यका ११ औं तहका चिकित्सक कार्यरत हुँदाहुँदै १० औं तहका चिकित्सकलाई मेसु नियुक्त गरिएकोमा ११ औं तहका कर्मचारी बिच्किएका छन् । शाह यस अघि धनगढीको सेती प्रादेशिक अस्पतालबाट ९ महिनाअगाडि कान्ति बाल अस्पतालमा हुँदै अहिले ट्रमामा पुगेका हुन् । त्यहाँ यस अघि डा सन्तोष पौडेल कार्यरत थिए । पौडेल माधव नेपाल निकटस्थत युवा संघको सचिव क्रान्ति बुर्लाकोटीको श्रीमान हुन् । उनलाई त्यहाँबाट हटाएर अहिले प्रमोदलाई ल्याइएको छ ।
स्वास्थ्य सेवा विभागका महानिर्देशक थिए,१२ औं हतका दीपेन्द्रमरण सिंह,उनलाई हठात त्यहाँबाट हटाएर ११ औं डा. आरपी बिच्छालाई नियुक्त गरिएको छ । विच्छा बालरोग विशेषज्ञ हुन् । उमेर हद लागेर कार्तिक पहिलो साता अवकाशमा जान लागेका उनको कार्यकाल तीन बर्ष थप्ने चलखेल थियो । जसलाई क्याविनेटले सहमति दिएको छ ।

Advertisement 1

स्वास्थ्य सेवा ऐन २०५३ को एउटा कानुनी छिद्र प्रयोग गरी आरपीलाई तीन बर्ष ढुक्कले महानिर्देशक दिने वालुवाटारको तयारी छ । स्वास्थ्य सेवा ऐन ०५३ को दफा ४५ को उपदफा (२) को पेटबोली यस्तो छ,‘उपदफा १ मा जुनसुकै कुरा लेखिएको भएपनि नेपाल सरकारलाई विशेषज्ञ सेवा अत्यावश्यक भएमा ६० बर्ष पुरा भई अत्यावश्यक हुने कर्मचारीलाई बढीमा तीन बर्षको अवधी थप्न सक्नेछ,’ यही छिद्रमार्फत थप तीन बर्ष विच्छालाई महानिर्देशक नियुक्ति गर्ने वालुवाटारको ध्येय छ । बिच्छालाई स्वास्थ्य सेवामा आफ्नो विज्ञता आवश्यकता भएकोले म्याद थप गरि पाउँ भन्दै निवेदन दिन लगाई तीन बर्ष म्याद थप गर्नका लागि प्रस्ताव उठाएर मन्त्रिपरिषदमा पठाइ सकिएकोमा मंगलबारको मन्त्रिपरिषद्ले उनको कार्यकाल दुई बर्ष थपिसकेको छ ।