नेपाली पेशागत आन्दोलनको जेठो संगठन नेपाल निजामती कर्मचारी संगठन विभाजनको मुखमा पुगेको भन्दै पूर्व अध्यक्षहरुले चिन्ता व्यक्त गरेका छन् । सो संगठनका अध्यक्ष केदारप्रसाद देवकोटाले आगामी असोज २ गते आफू पक्षधर कर्मचारीहरुलाई भेला डाकेको र सो भेला कुनै हालतमा नरोकिने अभिव्यक्ति दिएसँगै पूर्व अध्यक्षहरुले विज्ञप्ती नै निकालेर संगठनलाई फुटको बाटोमा लाने गरी गरिने क्रियाकलाप संगठनमा आवद्ध कर्मचारी र पूर्व अध्यक्षहरुलाई सह्य नहुने बताइएको छ ।

Advertisement 1

केपी ओलीनिकट मानिएका केदारप्रसाद देवकोटाले गरेको आगामी २ असोजमा आफू निकटस्थ कर्मचारीह्ररुको मात्र भेला डाकिएको बिषयलाई पूर्व अध्यक्षहरु मोहन कुमार केसी,सिताराम नेपाल,विश्वनाथ प्याकुरेल,भोलानाथ पोखरेल र निवर्तमान अध्यक्ष मोहन घिमिरेले विरोध गरेका छन् ।

उनीहरुले एक विज्ञप्ती जारी गर्दै भनेका छन्“ संगठनमा रहेको आन्तरिक समस्याको सामाधान आपसी छलफल र संवादको माध्यमबाट मात्र निष्कर्षमा पुग्न सकिने हुँदा संगठनद्धारा गरिने भेला वा छलफलमा सबै पक्षको पूर्ण सहभागिताको सुनिश्चिताको लागि पूर्व अध्यक्षहरुको तर्फबाट आह्वान गर्दछौं ।”

Advertisement 2

जारी विज्ञप्तीमा भनिएको छ,संघीयतापछि महत्वपूर्ण मानिएको कर्मचारीको मूल कानुन संघीय निजामती सेवा ऐन तीन बर्षदेखि अलपत्र परेको,समायोजित कर्मचारीहरुको सेवा,शर्त र हितको बिषयमा बोल्नुपर्ने समयमा महत्वपूर्ण बिषयलाई पन्छाएर अनिर्णित र असान्दर्भिक एजेण्डा बोकी वैधानिक बाटोलाई बेवास्ता गरिएकोप्रति आपत्ति प्रकट गरिएको छ । संगठनको विधान अनुसार,सचिवालयको बैठक बसी एजेण्डा पास तथा तय गर्ने र सो एजेण्डासहित केन्द्रीय कार्यसमितिको बैठक अध्यक्षको सहमतिमा महासचिवले आह्वान गर्नुपर्ने भए पनि विधानलाई कुल्चँदै महासचिवलाई थाहै नदिई केन्द्रीय कमिटीको बैठक डाकिएको प्रतिसमेत पूर्व अध्यक्षहरुले आपत्ति जनाएका छन् ।

यो यही संगठन हो,जो ०५४ सालमा एमाले फुटेर माले बनेको समयमा समेत एक ढिक्का रहेको थियो । लाखौं पेशाकर्मीहरुको छायाँ संगठनलाई जोगाउन र एकढिक्का बनाइराख्न पूर्व अध्यक्षहरुले कर्मचारी,पेशाकर्मी,बुध्दिजीवीदेखि नेताहरु समक्षसमेत अपिल समेत गरेका छन्