निजामती प्रशासनमा सचिवका दुई पदमा चार सहसचिवको सिफारिस भएको छ । वरिष्ठताका आधारमा सहसचिव किरण राज शर्माको सिफारिस भएको छ भने अर्को पदमा तीन सहसचिवको सिफारिस भएको छ । आयोग अध्यक्षसहित निजले तोकेको आयोग सदस्य, मुख्यसचिव, सामान्य प्रशासन सचिव र एकजना विज्ञ रहेको समितिको शुक्रबार बसेको बढुवा सिफारिस समितिले रामप्रसाद घिमिरे, हरि कुमार मैनाली र डिल्लीराज शर्माको नाम सिफारिस गरेको हो ।
२०६९ सालमा सहसचिवमा बढुवा भएका घिमिरे हाल अर्थ मन्त्रालयको नीति विश्लेषण महाशाखा प्रमुखका रुपमा कार्यरत छन् । यस्तै २०६९ सालमा सहसचिव भएका मैनालीले यस अघि ले रसुवा, दोलखा, मकवानपुर, पाल्पा, धनुषा, नवलपरासी र रुपन्देहीमा प्रमुख जिल्ला अधिकारीको प्रमुख जिल्ला अधिकारी बनेर काम गरेको अनुभव छ । उनी अहिले श्रम, रोजगार तथा रोजगार मन्त्रालयमा कार्यरत छन् । यस्तै,र शर्मा प्रधानमन्त्री तथा मन्त्रिपरिषद्को कार्यालयमा उपसचिव दुई वर्ष र सहसचिव तीन वर्ष,
अख्तियार दुरुपयोग अनुसन्धान अयोगको क्षेत्रीय प्रमुख हुँदै हाल सञ्चार तथा सूचना प्रविधि मन्त्रालयमा कार्यरत छन् ।
आगामी सोमबार बस्ने मन्त्रिपरिषद् बैठकले सचिव बढुवाको निर्णय गर्नेछ ।